Hugh Jackman自宣布狼人第三集外傳將會係佢最後一套以狼人身分出演嘅電影,各大傳媒都不斷猜測新戲故事內容、卡司。距離電影上映不足三個月,大多電影資訊都已有眉目。今日就同大家睇下新電影有咩必要知重點。

 【漫畫神殿—狼人最後一戰 Logan】


【漫畫神殿—狼人最後一戰 Logan】

﹙圖片來自Seat42F﹚
Old Man Logan 漫畫原故事

Old Man Logan係由Mark Millar 同Steve Mcniven 筆下喺2008年出版嘅漫畫系列。故事講述Earth-807128世界已被反派佔據,超級英雄已經不復存在,只有數個英雄倖存。狼人亦退隱江湖,喺一個農村生活。出奇地狼人隱居其間娶妻生兒,但生活範圍被惡棍Hulk佔領。無錯,係過往超級英雄果個變形俠醫,原來喺衣個世界Hulk變成咗個壞蛋族群,以力量強橫同數量大欺壓農民。狼人生活好困苦,但佢知道無論如何都要準時交保護金比Hulk,如果唔係就會陷家人於危險。但今次狼人真係搵唔到足夠嘅錢,喺佢禁煩惱嘅時候,已經全盲嘅Hawk-eye去到佢家門口,邀請佢一同走私一件神秘物件購外快。二人因而上路。故事隨發展亦交代不少疑點,想知漫畫故事內容可以購買Old-Man Logan系列漫畫,或者留意我哋下一篇漫畫神殿!

 【漫畫神殿—狼人最後一戰 Logan】


【漫畫神殿—狼人最後一戰 Logan】

﹙圖片來自Read Comics Online For Free﹚

 

卡司
Hugh Jackman 將最後一次出演狼人一角。Professor X將沿用X-Men系列演員—Patrick Stewart。另外新角Laura同Stephen Merchant將分別由Dafne Keen同Caliban飾演。
 【漫畫神殿—狼人最後一戰 Logan】


【漫畫神殿—狼人最後一戰 Logan】

﹙圖片來自Wallpaper Abyss﹚

電影故事
基於角色版權問題同上集X-Men發展,Logan一戲無可避免同漫畫原著有一大段距離。例如狼人旅伴會由Hawk-eye變成Professor X。更因Deadpool大擔拍攝尺度,Logan電影將變得更為血腥,香港應該會將其評為三級版本。而Professor X戲中將有腦退化症,力量亦大不如前。漫畫中超級英雄已經不復存在,電影即是Mutant沒落。
【漫畫神殿—狼人最後一戰 Logan】

【漫畫神殿—狼人最後一戰 Logan】

﹙圖片來自Comicbook.com﹚

 

X-23 疑似出現
Hugh Jackman唔再Claw Up做狼人,Fox都要搵個接班人廷續X-Men熱潮。可能係因爲Hugh Jackson過往演出太成功,Fox決定唔為狼人搵新演員而疑似推出新角X-23。X-23其實係狼人嘅女性版,年紀輕輕就版科學家打入狼人基因令佢擁有狼人所有異變能力。雖然X-23會否出現依然未被確定,但Professor X喺預告片形容小女孩Laura “She is like you(狼人), very much like you”,令筆者相信佢就係X-23。
 【漫畫神殿—狼人最後一戰 Logan】


【漫畫神殿—狼人最後一戰 Logan】

﹙圖片來自Insider﹚