Google相簿唔再只係識辨識人樣自動歸類,宜家仲可以幫屋企既貓貓狗狗、各種動物作寵物辨識分類啦!

最近Google 相簿推出左寵物辨識既功能,好似人樣咁,會自動幫你偵測毛孩既相,再將寵物同人樣辨識分類擺埋一齊。

Google Photos用家唔駛再手動為自己既寵物開folder,宜家可以輕輕鬆鬆幫屋企既貓貓狗狗分別標籤佢地個名,就可以簡單咁搜尋佢地既相簿同埋影片。

除此之外,Google 相簿仲提供寵物搜尋功能。只要簡單選擇貓狗等動物既相黎搜尋照片,仲可以依照品種進行搜尋。

Google 表示,目前目前呢個新功能都可以區分唔同動物同埋品種,但初步功能可能仲有一d問題,例如如果主人有 3 隻松鼠狗,可能就要手動移除錯誤分類既相,咁先可以將每隻狗狗既資料分得清清楚楚。