好快又就黎到甜蜜到爆嘅情人節啦!無論你係已經拍緊拖丶有暗戀對象定係結左婚,相信情人節對大家黎講都係唔可以忽視嘅大日子。如果你仲未諗到送咩俾另一半或者女神男神,咁你就要睇下今年日本推出嘅情人節朱古力。就算香港冇直銷店舖,但為左氹另一半開心,相信你總有辦法買嘅。

 

【送俾最愛-2017日本情人節甜蜜朱古力精選】

圖片來源:fashion-press.net/

相信大家對呢款星球朱古力唔會覺得陌生,雖然之前呢間大阪嘅酒店已經推出過,但係實在大受歡迎,所以今年依然會繼續推出!不過今年推出嘅款式有9粒,特別增加左冥王星,係為左迎接店舖嘅十週年而推出。味道同埋口感都會好似日本懷舊金平糖一樣,夠哂特別。價錢係4,000円未連稅,大約係港幣$276,售賣日期會係1月20日至2月14日,數量有限!

 

名稱:Righa Royal Hotel(リーガロイヤルホテル)

地址:大阪市北区中之島 5-3-68

電話號碼:(06)6448-1121

酒店網站:rihga.co.jp/osaka

店舖網站:rihga.co.jp/osaka/leclat/products

 

【送俾最愛-2017日本情人節甜蜜朱古力精選】

圖片來源:fashion-press.net/

相信都冇咩香港人會唔識GODIVA呢個牌子,無論係雪糕定朱古力,一眾香港人都占落力捧場,試問黎到一年一度嘅情人節又點會缺席?不過可能呢款朱古力就只限日本啊。今年GODIVA推出嘅朱古力包裝精美,而部分朱古力嘅造型就好似草莓芝士蛋糕咁立體,味道酸酸甜甜,十分特別。朱古力款式甚多,由3粒至21粒都有唔同包裝。各款朱古力價錢不一,日本售賣日期由1月6日至2月15日。想買就要去日本各地百貨公司嘅GODIVA店舖啊。

 

【送俾最愛-2017日本情人節甜蜜朱古力精選】

圖片來源:fashion-press.net/

今年東京嘅Palace Hotel推出嘅情人節朱古力造型特別,有火柴丶烈焰紅唇同埋模仿紳士面孔,無論送俾男朋友定女朋友都一樣得!火柴款式嘅朱古力係由黑朱古力同埋白朱古力整成,火柴棒係白朱古力,夠哂特別。數量限定400 個,價錢係3,240円連稅,大約係港幣$224。紅帽子嗰款係加入左純米吟醸酒朱古力嘅特別包裝,限量150個,價錢係4,320円連稅,大約係港幣$298。而烈焰紅唇造型朱古力就限量600個,價錢係1,080円連稅,大約係港幣$75。最後一款紳士面孔就限量600個,價錢係2,700円連稅,大約係港幣$186。

 

名稱:東京Palace Hotel(パレスホテル)

地址:東京都千代田区丸の内 1-1-1 パレスホテル東京 B1F

電話號碼:03-3211-5315

酒店網站:palacehoteltokyo.com/

 

【送俾最愛-2017日本情人節甜蜜朱古力精選】

圖片來源:fashion-press.net/

東京嘅帝國酒店情人節朱古力甚有日式風格,皆因喺入面加入左梅,每粒都係人手製作,絕非機器。味道獨特,並唔係一般朱古力可比。價錢為2,700円,大約係港幣$186。除左梅朱古力外,仲有部分朱古力加入左特別嘅漸變顏色層次,淨係造型已經贏哂。數量款式眾多,售賣日期由2月1日至2月14日,各位要好好把握時機!

 

名稱:帝國酒店(帝国ホテル)

地址:東京都千代田区内幸町1-1-1

電話號碼:03-3539-8086

酒店網站:palacehoteltokyo.com/