講起日劇,可能大家會即刻想起昔日經典或者上季hit爆嘅《逃恥》,劇入面嘅男女主角加埋隻舞真係無敵,甚至連平日冇留意日劇嘅朋友都無人不知!唔通正當韓劇瘋行之際,日劇有東山再起,重奪一眾劇迷嘅心?不過好似小編呢類日劇死忠,無論點樣都係唔會變心架!2017年冬季日劇已經新鮮出爐,一齊黎睇下有咩必睇劇啦!

 

講到題材新穎,不得不介紹呢套岩岩播出嘅《Byplayers~同一屋檐下的六位配角》(暫定譯名)。故事講述六位大家經常喺電視到見到佢地演出嘅黃金演員接到一個黎自中國嘅工作,為左要佢地演好角色,所以要求佢地一齊同居三個月。當然背後仲有啲秘密啊……單係聽到呢到已經覺得好有趣,究竟呢六位大叔會擦出咩火花呢?

 

【我愛日劇-2017年冬季新鮮出爐日劇精選!】

圖片來源:ktv.jp/uso/

繼《錢的戰爭》後,今季再度原班人馬上演《謊言的戰爭》(暫定譯名),未播第一集已經引起唔少回響。加上草彅剛演戲出眾,粉絲一定會捧場!故事講述浩一親眼目睹爸爸被黑衣人殺死,連媽媽同細佬都受害,但然而警察認為爸爸就係殺死媽媽同細佬嘅真正凶手。浩一堅持話爸爸唔係真正凶手,警察唔相信浩一嘅口供,所有人都覺得佢係騙子,就連親人都離棄佢。最終,浩一真係成為左騙子,飄洋過海改頭換面,再用假履歷成為欺詐師……到底《謊言的戰爭》可唔可以好似《錢的戰爭》咁hit?各位拭目以待啦!

 

【我愛日劇-2017年冬季新鮮出爐日劇精選!】

圖片來源:nonbiringo.com/a-life/

香港無人唔識嘅木村拓哉今季都有參戰,擔正大旗出演《A LIFE~深愛之人~》(暫定譯名)。除左木村拓哉之外,仲有小編鍾意嘅松山研一同埋無人唔識嘅竹內結子添!故事講述沖田一光(木村拓哉飾演)仲係做醫生新人時已經係為左病人而不斷努力嘅好醫生,但係當年因為某件事而被醫院驅逐,遺下戀人獨自前往美國,喺外地不斷磨鍊,獲得唔少寶貴經驗,成為出色嘅醫生。講起木村拓哉飾演醫生就會諗起當年嘅《白色巨塔》,唔知今次嘅《A LIFE~深愛之人~》又會有咩新突破?

 

【我愛日劇-2017年冬季新鮮出爐日劇精選!】

圖片來源:sunnystation.info/

想睇關於溫馨家庭嘅日劇?咁你就一定唔可以錯過《下剋上考試》(暫定譯名)!除左有深田恭子參演夠哂睇頭之外,故事題材亦都好獨特。故事講述只有初中畢業嘅爸爸同偏差值只有41嘅囡囡一同奮鬥嘅歷程!為左可以考入心儀學校,兩父女同心努力!偏差值係用黎評估學生能力嘅數值,分數越高,考入精英學校嘅機會就越大。到底最終囡囡可唔可以成功?咁就一定要緊貼《下剋上考試》(暫定譯名)啦!

 

【我愛日劇-2017年冬季新鮮出爐日劇精選!】

圖片來源:dorama9.com/

介紹完講述溫馨家庭嘅《下剋上考試》(暫定譯名)之後,小編要介紹另一套看似係溫馨家庭嘅日劇:《媽媽,不當你的女兒可以嗎?》(暫定譯名)。「看似係溫馨家庭」係咩意思?故事講述關係親密得好似戀人一樣嘅母女,兩人嘅想法相近,喜好相近,而且媽媽經常為女兒解決難題,本應係美好故事。然而因為女兒開始談戀愛而想法有變,產生分岐,令媽媽都開始改變!爸爸同埋女兒男友加入旋渦,到底陷入困局嘅佢地會結局如何?帶點懸疑感覺嘅家庭劇正式上演!當然除左呢5套之外仲有好多值得追睇嘅日劇,不過講哂就冇驚喜啊。各位劇迷快啲揀選喜愛嘅日劇啦!