最近有無留意到點解好多朋友都喺IG、Facebook放好多大大個吐司相呃Likes呢?原來韓國大熱咖啡連鎖店-TOM N TOMS COFFEE喺上年登陸香港~ 香港嘅朋友唔洗走到韓國噤遠都可以試到韓國人鍾意食嘅吐司同咖啡~當中有咩特別之處令韓國人噤著迷?就等我哋潮Talk帶你睇吓啦!
 
TOM N TOMS COFFEE
TOM N TOMS COFFEE以型格咖啡店聞名於韓國,更喺世界各地設有分店~喺香港分店更用上塗鴉設計,令TOM N TOMS COFFEE整體設計型格到一個點!!原來TOM N TOMS COFFEE喺韓國就好似七仔噤梗有一間喺左近,好多韓國人放工放學就會去TOM N TOMS COFFEE聚吓飲吓嘢傾吓計噤休息吓!依股熱潮仲分別喺2015 同2016年捲到澳門,美國添!去到最近,TOM N TOMS COFFEE就殺入香港市場,喺新城市開咗第一間香港TOMS N TOMS COFFEE咖啡店~身為韓迷或者咖啡迷,唔係唔去飲翻杯噤走寶吖吓?!

(圖片來自TOMS N TOMS COFFEE)

(圖片來自TOM N TOMS COFFEE)

令TOM N TOMS COFFEE 噤受大眾歡迎嘅原因當然就係佢哋最出名嘅咖啡啦!佢哋只用自己專屬工廠烘培出嚟嘅咖啡豆,就算嚟到香港都堅持用韓國工廠嘅咖啡豆,實行令香港粉絲都飲到原汁原味TOM N TOMS咖啡~今個冬日仲推出新口味!實行要你暖笠笠過冬日!

(圖片來自TOMS N TOMS COFFEE)

(圖片來自TOM N TOMS COFFEE)

但你唔好以為佢哋只有Latte、Cappuccino等傳統咖啡喎!嚟到TOM N TOMS COFFEE就一定要試吓佢哋林林種種嘅咖啡特調!棒果摩卡(Mocha)沒有mocha,只有latte、濃縮咖啡not特濃咖啡湯姆冰樂等等~對咖啡無太大興趣都唔緊要!事關佢哋嘅Blue Lemonade特別出色,唔單止藍色特別嘅賣相呃到Like,飲落酸酸甜甜都好解渴架!

(圖片來自TOMS N TOMS COFFEE)

(圖片來自TOM N TOMS COFFEE)

 

(圖片來自TOMS N TOMS COFFEE)

(圖片來自TOM N TOMS COFFEE)

必食之選!
當你以為TOM N TOMS只有咖啡飲你就大錯特錯啦~佢哋嘅韓式吐司先係令一眾韓國人瘋狂嘅原因!TOM N TOMS所有吐司都係即叫即烘,喺外脆內軟嘅熱多士上面放上唔同配料!邪惡得嚟夠曬治癒~令韓國本土都瘋狂嘅就緊係蜂蜜奶油吐司啦!一大層Cream加上蜂蜜焦糖糖漿,放喺熱辣辣嘅多士上面,唔好話韓國嘅朋友吖,連筆者都食指大動吖~~

(圖片來自TOMS N TOMS COFFEE)

(圖片來自TOMS N TOMS COFFEE)

睇完我哋潮Talk嘅介紹想去朝聖吓?快啲去位於沙田新城市廣場、觀塘APM、屯門或者尖沙咀The One分店試吓啦!

沙田新城市廣場TOM N TOMS COFFEE資料
地址 :沙田沙田正街18號新城市廣場一期1樓158號舖
電話號碼:2813 2331
營業時間:星期一至日: 08:30-22:00
觀塘APM TOM N TOMS COFFEE資料
地址:觀塘觀塘道418號創紀之城五期(apm)4樓L4-26號舖

尖沙咀The One TOM N TOMS COFFEE資料
地址:尖沙咀彌敦道100號The ONE 1樓L121號舖
電話號碼:2811 8951
營業時間:星期一至日: 10:00-23:00

屯門分店TOM N TOMS COFFEE資料
地址:屯門屯隆街3號屯門市廣場1期1樓Kiosk 2