上次就向大家介紹左Paul & Joe新推出嘅立體可愛貓頭唇膏,正當以為嗰款唇膏已經係極限嘅時候,Anna Sui亦都加入戰場,推出限定流星造型唇膏!果然係唇膏無極限!呢款限定流星造型唇膏有3個顏色,價錢為2,800円未連稅,大約係$193。一齊黎睇下今個春天新系列仲有咩花款啦!

 

【華麗流星-Anna Sui最新推出流星造型唇膏!】

【華麗流星-Anna Sui最新推出流星造型唇膏!】

圖片來源:fashion-press.net/

呢款造型有啲似果撻嘅就係眼影唇膏盒,有2款顏色選擇,感覺就好似朱古力撻同埋草莓撻,齋睇都夠哂甜啊。只需用指尖輕輕一掃,就可以為嘴唇添上顏色,變靚就係咁簡單。而下圖嘅係潤唇膏,加埋佢就天下無敵。呢款限定眼影唇膏盒嘅價錢為3,800円未連稅,大約係$263。而潤唇膏嘅價錢為2,000円未連稅,大約係$138。

 

【華麗流星-Anna Sui最新推出流星造型唇膏!】

圖片來源:fashion-press.net/

唔單止化妝品,今個系列就連大家嘅纖纖十指都照顧埋,推出左呢3款顏色極有Anna Sui感覺嘅指甲油。只要喺指甲油未完全乾哂之前將附送嘅模仔印上去,指甲就會有花紋圖案,感覺就好似施左魔法一樣,符合今個系列嘅主題。呢款限定指甲油嘅價錢為1,500円未連稅,大約係$104。各位Anna Sui嘅粉絲唔好錯過啦!