日本人出名做事認真,而且花嘅心思超乎常人!就算係你覺得唔需要咁認真做都好,日本人都會出盡200%努力同心思完成。有冇諗過就算係一碟咖哩飯,日本人都會諗盡辦法點樣佈置佢?就好似佢地嘅便當咁,日本媽媽花盡心思整靚佢,仔女食個時都開心啲。就好似上圖咁,用啲飯砌成得意動物樣,見到都唔捨得食。

 

【唔捨得食- 日本人得意咖哩飯大集合】

圖片來源:twitter

相信有好多小朋友都唔鍾意食紅蘿蔔,不過唔知佢地見到呢張相又會有咩感受呢?巧妙咁將紅蘿蔔整成人形,坐喺美味嘅咖哩飯,真係唔知好嬲定好笑。雖然呢班「紅蘿蔔人」未必可以就咁食,但係見到佢坐係到都唔知仲食唔食碟咖哩好啦。「紅蘿蔔人」,唔該借借?

 

【唔捨得食- 日本人得意咖哩飯大集合】

圖片來源:twitter

睇完頭先班「紅蘿蔔人」,不如睇下今次又有邊位朋友坐喺咖哩飯啦。呢位日本人為左囡囡,整左呢款白熊咖哩造型嘅咖哩飯,甚有心思。白熊唯妙唯肖,真係不得不佩服日本人嘅心思。睇到呢隻白熊浸咖哩浴好似好享受咁,真係唔係好想騷擾佢。但係又好肚餓,真係忍唔到口。我要開動啦!

 

【唔捨得食- 日本人得意咖哩飯大集合】

圖片來源:twitter

各位Baymax粉絲見到呢碟咖哩飯一定會心心眼啦!唔講仲以為佢係迪士尼樂園餐廳推出嘅食物添!其實呢碟咁可愛嘅咖哩飯係一位日本太太整俾遲返屋企嘅老公食嘅,相信呢位老公仔返到屋企見到咁可受嘅咖喱飯,就算工作有幾辛苦都會立即唔記得哂。各位靚太可以參考下,整俾為頭家努力工作嘅老公,等佢開心下都好!

 

【唔捨得食- 日本人得意咖哩飯大集合】

圖片來源:instagram

如果問小編最鍾意邊碟得意咖哩飯,呢碟就係小編嘅最愛啦!點解?因為呢位日本人用飯整成一隻隻熊貓仔,一齊衝向美味嘅咖哩,真係好得意啊。對於身為熊貓粉絲嘅小編黎講,見到呢碟熊貓咖哩飯又點會唔鍾意?相信呢款都應該唔會太難整嘅。如果你身邊都有朋友鍾意熊貓,不妨考慮下整呢款俾個驚喜佢?

 

【唔捨得食- 日本人得意咖哩飯大集合】

圖片來源:twitter

如果你唔係特別鍾意熊貓,唔知道呢款企鵝咖哩飯又會唔會係你心水?一班得意企鵝齊齊浸喺美味咖哩到,有啲坐喺池邊,有啲就跳左落咖哩入面暢泳,睇到都覺得佢地好開心。就連啲紅蘿蔔都切埋星形,真係好有心思啊。

 

【唔捨得食- 日本人得意咖哩飯大集合】

圖片來源:twitter

咖哩飯上擺一塊手掌形嘅大餅乾,睇起黎就好似有個人跌左落咖哩入面,伸手向你求救。其實呢款咖哩飯係東京一間酒吧嘅料理,咁特別嘅造型夠哂搞笑,相信有唔少人黎到呢間酒吧都必定會食佢。如果你唔怕覺得個「餅乾人」好慘,咁你就食佢啦!