香港美食多就人人都知,不過而家就有啲神話不再嘅感覺。走到街上,發覺啲餐廳大部份都係大集團或者連鎖店形式,就算去九龍定新界都係差唔多。小店愈黎愈罕有,所以大家記住多啲幫襯,支持本地小店。今次就為大家介紹5大隱世美味餃子店,對於鍾意食餃子嘅小編黎講簡直係天堂!

 

【唔食唔得 - 香港5大隱世餃子!】

首先為大家介紹的就是元朗的梁記餃子麵坊,雖然曾經一度暫停營業,但後來再次重出江湖也不失人氣,依然有眾多粉絲捧場!由於筆者住喺元朗,讀書時都經常幫襯,相信係一眾元朗學生嘅集體回憶。店舖所有餃子都係自家製,有十款味道,例如筆者最愛嘅沙葛菜脯紅蘿蔔豬肉餃子,爽脆嘅沙葛配上甜甜嘅菜脯,加埋其他配料真係一味道一流。鍾意清新嘅朋友可以試下青瓜豬肉餃子,一咬就有陣陣青瓜香味,夠哂fresh!同場加映大大粒炸鯪魚球同埋豬扒都好受歡迎,生餃子就更加唔少得。其他味道就留返俾大家親身去發掘啦!

 

店名:梁記餃子麵坊

地址:元朗安寧路93-109號富祥樓地下1號舖

電話號碼:3525 0138

今次就黎到荃灣呢間餃子屋,唔好睇呢到好似唔起眼咁,其實臥虎藏龍,次次黎到呢到都總有一大班客人等位。餐廳提供12款自家製餃子口味,例如香甜嘅粟米香菇餃同埋惹味咖哩薯仔豬肉餃,款款都咁好味。無論你鍾意香口定健康啲都唔駛怕,因為你可以選擇湯餃同煎餃。湯底都絕對大有來頭,有老火魚膠淮山豬骨湯底同埋重慶湯底,唔係味精湯底,真係忍唔住飲返啖。無論你叫淨餃定配埋麵,都會附送自家辣菜脯,夠哂開胃。同場加映仲有其他特色小食,例如酸辣土豆絲同手拍青瓜。如果你都想試下呢到嘅美食,記住早啲黎搵位啦!

 

店名:餃子屋

地址:荃灣西樓角路202-216荃昌商場1樓58號舖

電話號碼:3956 5475 / 9816 3038

 

【唔食唔得 - 香港5大隱世餃子!】

圖片來源:ipick.com/ opensnap.com.cn/

呢間位於太子嘅手作餃子專門店係筆者另一最愛,有超過十款的自家製餃子口味,例如海鮮餃同京蔥羊肉餃,同樣有湯餃同埋煎餃。湯底方面,有老火魚膠淮山豬骨湯底同埋重慶辣湯,兩款都咁受歡迎。無論你叫淨餃定配埋麵,都會有埋自家辣菜脯,愈食愈開胃。每隻餃子都大大隻,絕不欺場,食完唔怕會唔飽!想食就早啲黎搵位啦!

 

店名:手作餃子專門店

地址:太子荔枝角道88號地舖

電話號碼:3689 7218

 

呢間阿純山東餃子就有啲唔同,見唔見到佢啲餃子細細粒?同先前介紹個兩間嘅餃子好唔同,皆因呢啲係山東餃子!餃子口味超過十款,例如京蔥羊肉餃丶茴香鮮肉餃同鮮蝦帶子韭菜餃,全部都係自家製架!除左餃子之外,餐廳仲有提供其他山東美食,例如山東烤羊腿丶京蔥爆羊肉同糖醋魚片等等,包保你食到唔停得口!如果你都想試山東美食,快啲黎阿純山東餃子啦!

 

店名:阿純山東餃子

地址:太子荔枝角道60號地舖

電話號碼:2723 6692

 

黎到最後一站:太子嘅美味餃子店。而家嘅舖頭係新位置,就算搬左都無阻一班粉絲繼續支持。同先前介紹嘅店舖有啲唔同,美味餃子店主打三款餃子口味:雲耳椰菜肉餃丶韭菜肉餃同白菜肉餃,可選擇湯餃或煎餃。如果你想試哂三款口味,可以選擇雙拼。而湯底方面,當然唔少得招牌野葛菜煲生魚豬骨湯,絕對真材實料。每隻餃子都大大隻,食完一定會飽!除左餃子,豆漿同辣醬都係自家製。辣醬有指天椒丶豆豉同菜脯,夠哂特別。下次黎太子,記住搵佢地啦!

 

店名:美味餃子店

地址:太子大南街74號地舖

電話號碼:2309 7308