小編上年去過日本嘅多啦A夢博物館,到處都係多啦A夢真係夠哂得意!而且仲可以睇到手稿,可以話係機會難得。除左博物館入面必定打卡嘅地方夠哂注目之外,博物館嘅主題餐廳亦都係唔可以錯過。每款食物造型都係多啦A夢,見到都唔捨得食!而且每年都會舉行甜品巡禮,官方已經公佈左今年新甜品嘅圖片,一齊黎睇下有咩得意甜品啦!

 

【日本潮聖-多啦A夢博物館推出必試可愛甜品!】

【日本潮聖-多啦A夢博物館推出必試可愛甜品!】

圖片來源:fashion-press.net/

每年甜品巡禮都會推出不同款式嘅甜品,除左上圖嘅叮噹同埋哆啦美造型蛋糕卷之外,今年仲有哆啦美主題嘅窩夫三文治同埋藤子不二雄另一部作品《超能力魔美》為主題嘅甜品,唔知道各位粉絲又收唔收貨呢?除左限定甜品之外,仲有推出限定產品添!

 

【日本潮聖-多啦A夢博物館推出必試可愛甜品!】

圖片來源:fashion-press.net/

終於黎到限定產品啦,今次推出接近十款產品,包括毛巾丶陶瓷杯丶memo紙丶文件夾等等,以糖果屋為主題,全部都係粉色為主,相信各位少女一見就會愛上!就連小編都好想即刻飛去買啊!各位多啦A夢粉絲,你地準備好未?

 

名稱:藤子・F・不二雄ミュージアム

地址:神奈川県川崎市多摩区長尾2-8-1

限定期間:2017年2月8日至2017年4月10日