近期最熱門既話題就係iPhone X 推出既 Face ID 臉部辨識功能,

依家連Facebook都想玩埋一份喎! 點玩?

原因Facebook目前測試緊臉部辨識功能,用嚟幫助用戶搵返被鎖定既帳號架。

唔知大家有無試過Facebook比人去鎖左呢?

如果有既話就知要拎返帳號係一件好麻煩既事,

又要收SMS驗證,如果用唔到,又要轉Email啦,

又或者如果你去左旅行先嚟鎖你賬號既話,未必收到認證碼架嘛,

成個trip無得打卡呃Like都咪話唔慘慘豬啊!

到最後搞一大餐,解得返當然好啦,解唔到鎖既朋友就…..

所以係哩個時候Face ID功能就係你最大既恩人啦!

Face ID

唔係同你講笑架,Facebook 已經證實左呢一項功能,

佢地話依家測試緊一項新功能,令到用戶係恢復帳號既時候以更快咁完成帳號身分認證,

用家可以有另一種選擇,確保可以認證佢地既身分。

目前臉部辨識認證淨係開放比部分用戶測試,

如果測試順利既話,Facebook 未來先會開放比所有用家使用,

大家拭目而待啦!