一齊估下呢到係咩地方?設計師辦公室?定係新開餐廳?抑或係藝術廊?答案係曼谷大學!係咪冇諗過原來大學都可以咁型呢?上完堂可以留喺呢到同班組員一齊傾project都會精神啲,相信對於讀design嘅朋友黎講可能會激發創意添!

【新潮曼谷 - 邊個話大學唔可以型?曼谷大學玩型格裝潢!】

圖片來源:businessinsider.com

黑色玻璃檯上放左粉紅色玻璃燈,加上粉紅色配黑色櫈,就咁睇仲以為去左新開咖啡室。上完悶爆嘅堂黎呢到休息,或者撞正天地堂搵地方hea,相信呢到都會聚集唔少人。不過可以喺咁型格嘅大學到讀書,零舍唔同啲!

【新潮曼谷 - 邊個話大學唔可以型?曼谷大學玩型格裝潢!】

圖片來源:businessinsider.com

哥爾夫球場放大版都有?仲有啲似而家香港好興嘅party room添!旁邊仲有得玩飛鏢?相信呢到會係一眾學生嘅康樂室,放假都返黎玩啦!

 

【新潮曼谷 - 邊個話大學唔可以型?曼谷大學玩型格裝潢!】

圖片來源:businessinsider.com

粉紅房間甚有少女風,相信會係唔少女學生嘅聚集之地!感覺仲有啲似K房添,如果可以喺呢到唱K就不得了。真係估唔到大學都可以咁有趣!

 

【新潮曼谷 - 邊個話大學唔可以型?曼谷大學玩型格裝潢!】

圖片來源:businessinsider.com

大大隻熊貓坐係大學入面,好似去左主題樂園咁!其實學生可以走入大熊貓個肚入面休息,估唔到休息空間都可以咁有趣!班學生仲打算定期轉下其他款式添,大玩期間限定!

【新潮曼谷 - 邊個話大學唔可以型?曼谷大學玩型格裝潢!】

圖片來源:businessinsider.com

呢啲櫈就好似放大版積木咁,任你點砌都得。無論你係大group定細group,鍾意用幾多張櫈就砌幾多張櫈,善用空間,設計師真係想得週到!見到曼谷大學設運得咁型,真係希望香港啲大學都可以多多參考,為各位大學生注入新意,煥然一新!