「世上只有媽媽好」,歌仔都有得唱。為左保護仔女,各位媽媽一定會拼命對抗,呢位狗媽媽就係最佳例子!話說片中坐喺到嘅狗爸爸整古做怪,失驚無神對住兩隻可愛到爆嘅狗BB吠,嚇到佢地雞飛狗走!呢個時候狗媽媽就出場,對住狗爸爸怒吠,好似斥責狗爸爸唔應該咁樣嚇狗BB。做錯事嘅狗爸爸俾狗媽媽逼埋牆角,雖然有反擊,但係始終都不敵於狗媽媽嘅威勢。所以話千其唔好得罪媽媽啊!