有養得意狗仔嘅你可能放假個時都會帶埋佢出街活動下,一齊散步,去大草地玩下拋波。不過狗狗都有NG嘅時候,就喺接唔到個波嘅嗰一瞬間,佢嘅表情就會好搞笑。就好似上圖嘅狗狗咁,俾隻飛碟車落塊臉到,真係睇到都覺得痛啊。狗狗下次要醒目啲!

 

【搞笑狗狗-接唔到個飛碟嘅崩潰一瞬間!】

圖片來源:imgur

雖然頭先嘅狗狗接唔到飛碟中左「碟餅」,不過呢隻狗狗仲厲害,竟然撞左落棵樹到!真係陰公豬囉,撞到佢成個身都飛起左,隻飛碟亦都陣亡,可見呢隻狗狗有幾熱愛飛碟,鍾意到衝左去棵樹到。

 

【搞笑狗狗-接唔到個飛碟嘅崩潰一瞬間!】

圖片來源:imgur

頭先嗰兩隻狗狗接飛碟任務失敗,而呢隻狗狗就接波失敗,仲要俾個波飛落條頸到,你睇佢個樣幾驚恐!可能佢諗緊點解自己會接唔到個波,仲要帶著點點悔意,希望佢下次可以做得更好啦!加油!

 

【搞笑狗狗-接唔到個飛碟嘅崩潰一瞬間!】

圖片來源:imgur

呢隻狗狗雖然未能成功接到個波,不過比起頭先嘅狗狗佢冇氣餒,反而佢好似愈戰愈勇,你睇下佢個樣幾兇神惡煞就知道幾有霸氣!小編相信佢會再接再厲,下次一定可以成功接到個波嘅!小編祝各位狗狗新一年可以接到飛碟同個波,玩得開心!