有冇諗過其實只要多花心思,屋企每件物品都可以發揮得淋漓盡致,例如風扇除左可以用黎吹涼啲之外,其實只要好似呢位網民咁樣將個普通嘅打蛋器插喺風扇到,一樣可以變成自動打蛋器!(笑)當然安全問題都係大家值得關注。想知道仲有啲咩搞笑日常?快啲繼續睇落去啦!

 

【咁都得?-7個異常搞笑嘅日常新用途!】

圖片來源:twitter

大家細細個都可能玩過玩具槍,唔好以為玩具槍淨係可以用黎玩,其實只要好似佢咁將枝沙律醬插喺枝槍到,就變成「沙律槍」!食沙律時又點少得佢呢?唔鍾意沙律醬嘅你又可以擺其他醬料,簡單又易用,一定個個爭住用!

 

【咁都得?-7個異常搞笑嘅日常新用途!】

圖片來源:twitter

便個話馬桶只可以擺喺廁所?如果你屋企個馬桶用唔到,原來可以用佢黎BBQ!當然記住要事先好好清潔,如果唔係都應該冇人敢用……下面用黎生火,水缸就用黎擺冰同汽水,炎炎夏日一定會受歡迎。一物二用,有咩好得過用馬桶黎BBQ?當然大前提係你預左唔要個馬桶啦……

 

【咁都得?-7個異常搞笑嘅日常新用途!】

圖片來源:twitter

唔想仔仔囡囡成日都打機,又怕佢會偷偷地自己開機玩?各位媽媽可以學下呢位日本人,用個密碼鎖鎖住個插蘇,睇下你點樣拆解?不過由於日本插蘇係兩腳插,加上會有窿,所以先用到個密碼鎖。如果你屋企部遊戲機都係兩腳插,咁就有用啦!

 

【咁都得?-7個異常搞笑嘅日常新用途!】

圖片來源:twitter

雖然呢個用途不大,不過勝在夠可愛,得閒整黎送俾女友都可以氹下佢開心。呢舊係咩黎?就係袋裝麵包用黎封口嗰舊膠片,只要將佢對摺,再用顏色筆畫上可愛貓咪樣,再將佢地分開,咁就大功告成啦!一次過畫幾隻俾佢一定會好鍾意!

 

【咁都得?-7個異常搞笑嘅日常新用途!】

圖片來源:twitter

「唉,又唔見左個隱形眼鏡盒個蓋啦。」可能各位日日都戴隱形眼鏡嘅朋友都會試過呢個情況,覺得個盒冇左個蓋就冇用。咪住,其實用平時膠樽個樽蓋一樣得!冇左原裝蓋,搵個膠樽蓋一樣掂,唔駛咁快唔要個盒啊!

 

【咁都得?-7個異常搞笑嘅日常新用途!】

圖片來源:twitter

各位巴打可能細個都會試過自己整火車軌,再擺火車喺上面行。不過原來除左可以擺火車之外,仲可以擺壽司!自家製迴轉壽司就係咁簡單!(笑)不過當然唔好整得太快,如果唔係成舊壽司會飛走左。下次唔駛出去食迴轉壽司啦,屋企咪有囉。