你有煩惱,我有煩惱!對於身高只有150嘅小編黎講,有不為人知嘅生活小煩惱,對於生得高嘅朋友黎講根本唔成問題。例如去圖書館想拎本擺得高嘅書根本就冇可能拎到,或者想拎衣櫃頂個紙盒都拎唔到。可能各位生得比較細粒嘅女仔會有共鳴,唔知道呢6個煩惱你又有幾多個呢?

 

【人生悲劇-細粒女仔先會明白嘅6個煩惱!】

圖片來源:imgur

呢個可以話係小編嘅最大煩惱,就係買褲!次次見到鍾意嘅長褲都會即刻拼落身睇下,一度就見到條褲長到可以抹地,又可以慳返啲錢唔駛買。不過有時心急起上黎,就會試都冇試就買左,點知一著就會悲劇上演,就好似上圖咁。唔知道你又有冇試過?

 

【人生悲劇-細粒女仔先會明白嘅6個煩惱!】

圖片來源:imgur

除左長褲,就連長裙都係小編剋星。唔駛試上身啦,一拼上身就立見高下,條裙嘅長度就待於我成個人咁高。就算冇咁誇,明明本身條裙係預你長到膝頭哥,點知自己著就變左長到幾乎拖地嘅終極長裙,買條岩身嘅長裙仲難過搵男朋友……

 

【人生悲劇-細粒女仔先會明白嘅6個煩惱!】

圖片來源:imgur

如果你想由個吊櫃拎啲野,聽落就好似好簡單,但係對於身高只有150嘅小編黎講又係一大難題!正當你以為只有小朋友先要爬上檯到拎野,對於生得細粒嘅人黎講根本就無分年齡,一樣要爬上檯先可以完成任務。可唔可以將啲櫃唔好整到咁高?

 

【人生悲劇-細粒女仔先會明白嘅6個煩惱!】

圖片來源:imgur

去洗手間照鏡係咪覺得無難度?朋友你太年輕了,生得高就梗係冇問題,但係如果你得150身高,你就會經常諗點解啲鏡要整到咁高?一行埋去,淨係照到個頭頂或者額頭,連眼眉都睇唔到,真係唔知自己照緊咩。

 

【人生悲劇-細粒女仔先會明白嘅6個煩惱!】

圖片來源:imgur

洗衫時當然要拎返啲衫啦,不過有時候個洗衣機都有自己一半身高,想伸隻手落到最底拎衫可以話係難過登天。一次拎唔到就再用力,試下試下就會好似上圖咁,半個人跌左落洗衣機入面。喂,搵人拉返我上黎啊!

 

【人生悲劇-細粒女仔先會明白嘅6個煩惱!】

圖片來源:imgur

同其他人一齊合照時,除左試過因為自己太細粒所以影唔到之外,亦都有試過上圖嘅情況。就係俾人用黎擺隻手!雖然高度真係岩岩好,但係你有冇諗過我嘅感受?我都知道自己唔高,但係都唔駛咁樣黎突顯架。以後唔同高過我嘅人相!