相信大家早前都瘋狂沉迷Pokémon Go呢個手機遊戲,係咪簡直就係勾起大家嘅童年回憶呢?明明比卡超就係好可愛嘅角色,點知日本人竟然為比卡超製作黑暗系列,對於一眾比卡超粉絲黎講簡直係童年回憶崩壞!一齊黎睇下到底比卡超可以有幾崩壞……

 

【童年崩壞 - 黑暗系比卡超系列!俾返個可愛比卡超我啊!】

圖片來源: twitter

有玩Pokémon Go嘅你對呢個畫面一定唔會感到陌生。對於比卡超粉絲黎講,搵到比卡超當然就係最好啦,但係點解呢個畫面會有兩隻比卡超嘅?後面扮比卡超嘅人類唔好諗住呃我!明明比卡超就可愛好多!

 

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

揸揸下車都會見到比卡超?冇錯,有日本人揸揸下車見到比卡超俾人綁左喺車到送去其他地方。可憐嘅比卡超俾人蒙住雙眼,十足十綁架一樣。我要黎救你啦!比卡超!

 

【童年崩壞 - 黑暗系比卡超系列!俾返個可愛比卡超我啊!】

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

冰天雪地裡竟然會搵到雪白版比卡超,真係罕見。不過故事梗係冇咁快就完結啦,轉眼間佢已經進化左啦!成個肌肉男咁樣,一啲都唔可愛!還我得意比卡超啊!真係不得不佩服日本人嘅想像力!

 

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

比卡超不嬲都係肥肥地,又細細隻咁,不知幾可愛。點知歲月催人,轉眼間佢都已經「快高長大」,睇睇下同第一張圖人類扮佢個樣都差唔多咁高,好得人驚。點解要咁樣搞比卡超啊?

 

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

繼「快高長大」版嘅黑暗比卡超後又一力作,呢位日本人竟然幫比卡超畫肌肉?!比卡超瞬間就變左筋肉人。最估佢唔到嘅就係連塊臉都有肌肉,相信平凡嘅人類係難以做到。唔通呢個就係比卡超嘅威力?

 

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

一齊黎上寵物小精靈生物堂,呢個就係比卡超嘅身體結構,係咪冇諗過原來比卡超係咁骨格精奇?呢位畫功精湛嘅日本人以繪畫為職業,應順小學生嘅要求,畫左呢幅比卡超身體結構圖,真係估佢唔到!

 

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

呢個咁可愛嘅比卡超蛋糕係用黎祝賀一對新婚夫婦,點知開心過後就到左殘忍嘅時刻,佢地肢解左比卡超啊!呢個兇案現場實在慘不忍睹,見到咁可愛嘅比卡超遭毒手,相信一眾粉絲睇到都會好心痛!

 

【童年崩壞 - 黑暗系比卡超系列!俾返個可愛比卡超我啊!】

短片來源:twitter

比卡超激烈對戰就見得多,但係比卡超跳舞你又見過未?呢個手腳都會發彩光嘅比卡超竟然跳奇怪舞,仲會唱埋自己個名,耳仔仲有閃光,帶埋佢去party真係一流!

 

【童年崩壞 - 黑暗系比卡超系列!俾返個可愛比卡超我啊!】

圖片來源:twitter

最後就係呢個黑暗比卡超,匿喺玻璃後面嘅比卡超令人有不寒不慄嘅感覺,其實佢係咪拍緊鬼片?大家可以想像下如果都擺佢喺屋企窗邊,可能嚇會親街坊。唔好咁樣對比卡超啦!