世事真係巧合,有冇諗過你出街著對鞋或者襪會同個地板完全一樣?呢幾位人吧就係完美示範,就咁望落去分分鐘搵唔返自己對腳。真係尷尬到滴哂汗……住著對好易襯嘅黑底白直間布鞋,再搭埋扶手電梯,咁就出左事啦。應該冇人睇到嘅……應該……

 

【尷尬系列- 點解對鞋會同個地板完全一樣?】

圖片來源:imgur.com/

考考大家眼力,大家可唔可以一秒就搵到呢位朋友對腳呢?呢位朋友著左對灰黑色毛毛靴出街,點知個地毯都係灰黑色?雙腳一落地,真係100% match哂!對靴簡直就好似用地毯原材料整出黎咁,點解可以似到咁架?

 

【尷尬系列- 點解對鞋會同個地板完全一樣?】

圖片來源:imgur.com/

好啦好啦,我唔玩啦,著返對最普通嘅黑白converse應該冇事啦掛。不過世事真係奇妙,點會諗到對普通嘅黑白converse會同個經典黑白格仔地板都match到?雖然影呢張相時要巧妙少少,不過就咁睇落去真係好似對腳隱左形咁。媽啊!唔通我以後要唔著鞋出街?

 

【尷尬系列- 點解對鞋會同個地板完全一樣?】

圖片來源:imgur.com/

玩完對鞋就玩襪,點諗都唔會諗到呢種pattern咁特別嘅地毯居然會有對一模一樣嘅襪襯返?呢對襪簡直就係地毯嘅親生骨肉,點解可以似樣到咁架?會唔會人地以為我係係呢到做架?我對襪唔係制服黎架。

 

【尷尬系列- 點解對鞋會同個地板完全一樣?】

圖片來源:imgur.com/

呢個故事仲未完,既然剛才pattern咁特別嘅地毯都可以他鄉遇故知,呢個地毯又點會唔成事?無錯,呢位朋友對襪又同個地下撞pattern啦!對襪簡直係完全隱藏起黎,就咁睇好似冇左對腳咁,其實隱身於地毯之中。到底要著咩鞋噠襪先至唔會同個地下撞款?