上次同大家介紹左紐約各個設計百變嘅特別廁所,實在大開眼界。點知一山還有一山高!小編見到呢幾個廁所可以話係超乎想像之外,萬一人有三急都唔知用唔用好。唔知道你又會唔會用呢?就好似上圖咁樣,一個廁所內有兩個馬桶,似乎只係適合親子啵。

 

【你會唔會用-古怪騎呢廁所大集合!】

圖片來源:imgur.com/

可能你同小編一樣都唔鍾意用踎廁,有得揀當然會想用坐廁。不過上圖呢個廁所可以話係集合左踎廁同坐廁於一身,踎廁上面擺張櫈,咁就變身成為坐廁啦。拎開張櫈,又變返踎廁。咁知道你又會點用佢呢?

 

【你會唔會用-古怪騎呢廁所大集合!】

圖片來源:imgur.com/

今次呢個廁所好明顯係坐廁,不過問題就係道門。點解個門會整得咁高架?完全發揮唔到遮掩嘅功能!咁我要道門黎做咩?一入去就俾出面啲人見到哂,點用呢個馬桶啊?快啲搵人整返啲門啦!

 

【你會唔會用-古怪騎呢廁所大集合!】

圖片來源:imgur.com/

去廁所除左最怕突然停電,仲有就係突然冇廁紙用,特別係緊急時刻。上圖呢個廁所可以話係挑戰人體極限,小編就算伸盡隻手都係拎唔到廁紙,「這麼近,那麼遠」,可以話係世上最遙遠嘅距離。今次真係大整蠱啦!

 

【你會唔會用-古怪騎呢廁所大集合!】

圖片來源:imgur.com/

咩叫做不可能的任務?呢個廁所可以話係代表!呢個馬桶擺喺呢個位置簡直可以話係完全錯誤,根本坐都坐唔到,整黎有咩用?小編相信就算係小朋友都用唔到呢個馬桶。不如搵人拆左佢?

 

【你會唔會用-古怪騎呢廁所大集合!】

圖片來源:imgur.com/

呢個廁所可以話係完全冇私隱可言,因為個馬桶裝左喺洗手盆旁邊,到底有冇人敢用呢個馬桶?就算小編人有三急都唔會用呢個馬桶架!因為根本完全係「對外開放」,任睇唔嬲。睬,撞鬼咩!