香港人越黎越注重健康,大力推行素食之外,就連平時出街食飯都會盡量揀啲冇咁油膩嘅食物款式,多菜少肉亦都越黎越流行。雖然台式飲料大行其道,但係冷壓果汁亦都唔輸蝕,標榜唔加水唔加糖,更加健康天然。今次小編就為大家介紹4間香港必飲冷壓果汁店,行過記住買返枝飲下啊。

 

首先介紹觀塘嘅Beauty and Juice,主打冷壓果汁同埋健康飲食。老闆因為生活習慣問題,腸胃同皮膚都變差,因此嘗試冷壓果汁,仲開埋舖頭推廣添。果汁款式眾多,餐單上寫哂每款果汁有咩材料,就算特別唔鍾意某類生果或者對某類生果敏感都唔駛驚。每款果汁都係由營養師悉心設計,適合唔同需要嘅客人。買果汁時仲可以講埋有咩需要,店員會向你推介某款果汁,夠哂細心。

 

店名:Beauty and Juice

地址:觀塘成業街7號寧晉中心東廣場地下G60號

電話號碼:5202 8803

營業時間:星期一至星期六:12:00 – 20:00

 

Bless係本地品牌,由一班專業人士同營養師經營,每款果汁都係針對唔同需要同功能設計,而且款式甚多,小編上次去買都揀左好耐。而且仲有得試飲,唔怕會買左口味唔岩嘅果汁。店舖亦都有推出排毒療程,利用唔同功能嘅果汁達到排毒效果,絕對適合生活節奏急促嘅香港人。除左果汁之外,部分分店亦都有賣湯品,有興趣可以試埋。1月尾仲有全港首創嘅冷壓果汁放題,果汁任飲,甜品任食,仲有營養師在場分享添。

 

店名:Bless

地址:分店遍佈各區

網站:http://blessbalance.com/en

 

Genie Juicery係由本地模特兒Cara G.同拍檔一齊經營,為左可以更加專業,Cara G.仲特登去紐約修讀同呢方面有關嘅課程,小編真係好佩服佢嘅決心同專業。店舖有接近30款果汁,各款果汁都有唔同功能,仲有冷泡咖啡同Protein Shake等等飲品。材料方面,選用本地蔬菜,而水果就主要係美國同澳洲出產。本來Genie Juicery只係網上商店,後來先開設實體店,等大家可以買得更方便。

 

店名:Genie Juicery

地址:中環金融街8號國際金融中心商場2096號舖

電話號碼:2644 5875

營業時間:星期一至星期五:7:00 – 20:00 / 週末:10:00 – 20:00 / 公眾假期:10:00 – 18:00

網站:http://www.geniejuicery.com/

 

黎自澳洲嘅Pressed Juices登陸香港,有30多款冷壓果汁選擇,仲有得試飲添。標榜全部都係百分百果汁,絕對冇加水。就連果汁都係由澳洲出產,只有部分果汁係香港工場製造,夠哂新鮮。而且店舖都狼營養師在場提供專業意見,就算你有啲咩關於果汁嘅問題都可以本詢,保證你能夠買到適合你嘅果汁。

 

店名:Pressed Juices

地址:中環荷李活道81A號地下

電話號碼:2547 7939

網站:http://www.pressedjuices.com.hk/