香港美食日新月異,幾乎每日喺facebook都會見到各區有新美食推出,好似旺中同埋葵廣,新推出嘅美食真係日update,而且款款創新!加上越黎越多過江龍加入美食大戰,實在鬥個難分難解!今次就以吐司上陣,睇下呢4款特色吐司你又試過未啦。

 

首先介紹嘅係來自新加玻嘅亞坤,主打喇沙同埋吐司。講起呢到嘅吐司,有別於茶木或者之後會介紹嘅吐司,皆因呢到有嘅係新加玻味道,即刻就諗起咖椰。亞坤嘅吐司味道甚多,包括咖椰牛油吐司丶咖椰花生醬吐司丶咖椰芝士吐司丶法式咖椰吐司丶法式咖椰芝士吐司同埋奶油糖吐司,分為套餐同散叫兩個價錢。以尖沙咀地段黎講,價錢十分合理,下午茶食返兩款都唔過份。如果你都想試下新加玻吐司,咁就要黎亞坤啦。

 

店名:亞坤

地址:尖沙咀漆咸道南45-51號其士大廈地下C & D 舖

電話號碼:3971 0884

營業時間:7:30 – 23:30(最後點餐時間:23:00)

 

跟著介紹嘅Dazzling Café同樣都係過江龍,不過係黎自台灣。喺台灣各地都有分店嘅Dazzling Café登陸香港,大展拳頭開設分店。講起Dazzling Café除左會諗起帶點少女風嘅裝潢之外,仲有大大份特色吐司!當中最吸晴嘅味道一定會係草莓,無論係吐司box定係花瓣造形嘅吐司,放上香甜草莓同埋雪糕等等配料,靚到好似藝術品咁,真係唔捨得食啊!淨係要揀食咩味都心大心細。除左甜品之外,Dazzling Café都會有其他主菜同嘢飲,例如意粉同埋香港人鍾意飲嘅水果茶。不過黎到呢到又點可以唔試下吐司?

 

店名:Dazzling Café

地址:尖沙咀彌敦道100號The ONE 3樓22號舖

電話號碼:2312 6099

營業時間:12:00 – 23:00(最後點餐時間:22:00)

 

介紹完過江龍嘅特色吐司,係時候支持返本地特色吐司!位於九龍城嘅Oslo Café推出多款特色吐司,當中唔可以唔提嘅就係馬卡龍吐司同埋重口味朋友最愛嘅榴槤吐司!馬卡龍吐司上玫擺埋哂少女最愛嘅馬卡龍,靚到好似禮物咁,而且呢款係café獨有味道,唔黎呢到食仲可以去邊到搵?榴槤吐司簡直可以話係小編最愛,雖然坊間有唔少榴槤甜品,不過榴槤吐司可以話係少之又少,相信各位榴槤粉絲都忍唔到口啦!除左特色吐司外,Oslo Café仲有其他自家獨創小食,萬勿錯過!

 

店名:Oslo Café

地址:九龍城南角道15號

電話號碼:2811 9926

營業時間:12:00 – 0:00

 

可能大家都會喺網上睇過呢張彩虹吐司嘅相,其實係卡洛芝士吐司專門店嘅出品。黎到荃灣呢個美食天堂,又點可以唔試下?呢間芝士吐司專門店推出多款口味嘅吐司,不過當中最曯目嘅莫過於彩虹吐司,顏色鮮艷,而且芝士足料,絕不欺場!店舖會定期推出限定口味同埋特別口味,例如紫薯芝士同榴槤芝士,今次唔食可能下次就冇得食。吐司即叫即整,保證熱辣辣出爐。下次黎荃灣記住食啦!

 

店名:卡洛芝士吐司專門店

地址:荃灣荃興徑4-6號地舖

電話號碼:3706 5432

營業時間:12:00 – 0:00