最近陸永喺幕後玩家以精湛演技得到大家掌聲。電視台後,其實農夫喺香港樂壇都已經打滾越十年。雖然講唔上係大紅大紫,但佢哋嘅音樂以香港生活取題,聽落好有共嗚。今日我哋為你送上五首農夫必聽作品!

【音樂大道—粒粒皆辛苦 農夫】

【音樂大道—粒粒皆辛苦 農夫】

﹙圖片來自Youtube﹚

 

第五位:眠眠
好眼訓,每日都好眼訓。其實每日筆者搭車番工番學真係好眼訓。每日都好似唔夠時間用,趕完Assignment又要趕番工,番完工又要趕番去煮飯。 真係「日後遇到西人 (佢話) 佢都嚇親」。
「七百萬對黑眼圈 睇唔到個月亮有幾圓 淨係睇到好多野未曾團圓」

 

第四位:奇蹟
就算香港生活有幾逼人,工作壓力有幾大,我哋唯一擁有、永遠支持自己嘅只有家人。但係我哋好多時候就諸多籍口唔倍屋企人,以為重有好多時間。但世事好無常,轉眼間發生嘅可能已經令你後悔莫及。所以唔好比機會自己後悔,大家得閒就抽多少少時間倍伴屋企人啦。
「咁大個人淨係諗緊點樣搵銀 不如等陣搵搵永遠等緊你嘅屋企人」

第三位:好彩分手

愛到要生要死嘅廣東歌真係數都數唔曬,但正面地講分手嘅歌又好少喎。其實一生人終遇到幾點粉腸,適時放手絕對唔係壞事!

「好彩諗起嗰一次你有分手 最委屈嘅你受夠 冇分手會有排你受」

第二位:重新找到你

農夫出道自今唯一一首「只唱不Rap」嘅作品,值得欣賞嘅除左兩位嘅歌聲,更係當中香港人嘅無奈。日復日,年復年,生活不斷重復、公式化。講真筆者都好驚自己到「白色典禮」都無做過一兩件值得驕傲嘅事。其實雖然喺香港生活迫人,衣食住行都係錢,但我哋要追求嘅應該不只於「生存」,而係「生活」。「生活」就係要做自己鐘意、有義意嘅事。但現實中就係禁難,所以筆者成日都聽到好感慨。
「當我跟你都同樣地躲不過這循環 能否趁有限時間 來從平凡裡創出空間」

第一位:偉大航道

每個人都會犯錯,犯錯過後先知當中後果。有人會繼續墮落,有人會改過自新,C君就用一首歌同後生仔講有咩應該做,有咩要避免。
「你嚟到呢個世界 係一個安排 你會俾你想像中更加偉大 」