對於一班熱愛攝影嘅朋友黎講,可能喺香港影相已經影到唔知仲有咩新地方好影,小編都係其中一份子。雖然香港地方唔大,但其實仲有值得大家一去影相嘅好地方,特別適合係想擺張靚靚相上Instargram呃like嘅朋友仔。一齊黎睇下香港各地嘅靚爆街頭藝術啦!

 

首先答到中環Soho,呢幅牆上嘅圖案色彩繽紛,圖案重展昔日香港嘅舊建築物面貌,甚有懷舊味道。唔少人都會企係牆前擺pose影相,放上instagram一定可以拎到唔少Like!真係唔講都唔知呢到係香港!

 

呢個咁有外國風格嘅作品係出自Fin Dac嘅手筆,其實呢到係型格店舖Lovers & Friends嘅外牆,全港只有2間分店。睇到呢個作品仲以為自己去左紐約添。想黎呢到打卡?咁就記住黎歌賦街啦。

 

【香港街頭藝術 - Instagram呃like影相必到之地!】

圖片來源:stylebyasia.com/

呢對咁囧囧有神嘅迷人雙眼都係喺中環到等緊大家,係Victoriano嘅作品。除左中環,佢仲去左旺角留低佢嘅作品,簡直就好似幫香港換上新景像一樣,注入現代藝術氣息。唔黎呢到影相都對呢位遠道而黎嘅藝術家唔住。

 

【香港街頭藝術 - Instagram呃like影相必到之地!】

圖片來源:bauhinia.org/

跟住我地黎到深水埗,雖然話深水埗係舊區,但係其實深水埗多姿多彩,一啲都冇舊區嘅感覺。就好似呢個作品咁,風格現化到爆。其實呢個係HKWALLS同VANS合辦嘅街頭藝術節,邀請來自世界各地嘅著名藝術家黎香港大顯身手。如果冇影到側邊嘅中文字,仲以為呢到係外國添。其實香港仲有好多好多呢類咁特別嘅街頭藝術,今個週末搵埋班老友一齊去影相啦!