日本杯麵出名多花款,而且款款口味獨特,真係得日本人先會諗到。就算喺香港賣到貴一貴都好,大家都係忍唔住買返個食。自問大膽,鍾意試新嘢嘅你唔好眨眼啦!新一年點都要挑戰下新嘢。事關日本1月9日將會推出朱古力醬炒麵杯麵!記性好嘅朋友可能仲會記得其實上年都有出過,不過官方表示今次呢款係加強版,無論係麵定朱古力醬都會更加提升香味,你又夠唔夠膽再食?

 

【創新定中伏- 日本即將推出朱古力醬炒麵杯麵?!】

圖片來源:ascii.jp/

睇返上年網民分享嘅圖片,就咁睇就好似同一般炒麵冇咩大分別,不過當然醬料就係甜到入心嘅朱古力醬啦,到底應該當佢係正餐定甜品好呢?今次新推出嘅朱古力醬會加入朱古力粉,令到香味可以再次昇華。如果自問大膽或者鍾情朱古力嘅你,點都要買個試下啦!價錢係180円未連稅,大約係港幣$13。有冇巴打或者絲打可以幫小編買個?小編希望香港都可以買到啊。