日本人鬼馬十足,千奇百趣,佢地嘅主意同埋心思往往超出大家想像。就好似今次介紹嘅自家製「估佢唔到」食物咁,呢啲食物表面睇黎係一種食物,但實際上另有乾坤!就好似上圖咁,你以為佢係一碗正正常常嘅白飯,其實佢係「白飯蛋糕」!蛋糕表面嘅白色泡泡,而入面嘅係忌廉同乳酪芝士。係咪估佢唔到呢?

 

【千奇百趣-日本人自家製「估佢唔到」食物大集匯!】

圖片來源:twitter

呢件一定係西瓜壽司!朋友你太年輕了,呢件梗係唔係西瓜壽司啦。睇真啲,其實佢係由金槍魚丶青瓜同埋芝麻整成嘅壽司。像真度如此高,幾乎以假亂真,真係不得不佩服呢位日本朋友嘅心思。下次唔好認錯佢啦!

 

【千奇百趣-日本人自家製「估佢唔到」食物大集匯!】

圖片來源:twitter

自問精明嘅你又睇唔睇得出呢位日本人玩咩把戲呢?蜜瓜配西班牙火腿你就見得多,日本蜜瓜飽配西班牙火腿你又見過未?雖然日本蜜瓜飽冇蜜瓜,但係唔知道食落又會有啲咩新火花?呢個一定係日本style嘅蜜瓜配西班牙火腿!

 

【千奇百趣-日本人自家製「估佢唔到」食物大集匯!】

圖片來源:twitter

烏冬大家就食得多,彩色烏冬你地又見過未?呢位日本網民話雖然呢款烏冬嘅顏色咁螢光,但係味道同普通烏冬都係一樣。唔知道呢款螢光烏冬夜晚時會唔會發光呢?如果會發光,咁夜晚食咪唔怕見唔到啊。

 

【千奇百趣-日本人自家製「估佢唔到」食物大集匯!】

圖片來源:twitter

通常大家對於藍色嘅食物都會避之則吉,雖然而家市面都好多藍色食物,但係始終覺得有啲奇怪。其實呢款係日本網民嘅老公叫佢整班戟,就整左呢款藍莓班戟,班戟入面添加左新鮮藍莓,仲話好好食啊。唔知道大家又有冇興趣試下整?