可口可樂歷久不衰,幾乎無人不愛,而且口味日新月異,今次就到日本推出冬季限定生姜味可樂!點解會揀生姜?因為日本人相信生姜有助補暖,喺傷風感冒流行嘅季節一定必備。到底可口可樂同姜嘅獨特味道match唔match?會唔會中伏?一齊黎睇下日本網民試飲嘅報告啦!

 

【日本潮聖-最新推出冬季限定生姜味可樂!】

圖片來源:gigazine.net/

登登登登!1月23日開始發售嘅生姜味可口可樂終於面世!Logo旁邊多左生姜嘅圖案,如果你都想買黎試下就記住唔好買錯,一定要有生姜圖案先岩。倒出黎同一般可樂冇咩分別,不過味道就有啲似以前香港都有賣過嘅Canada Dry(薑汁汽水)同埋Wilkinson Ginger Ale嘅生姜味道,就連嗅覺都會聞到一股生姜香味,真係夠哂薑!飲落去都好似平時普通可樂咁感覺爽快,對於平時都鍾意飲炭酸飲料嘅朋友黎講都可以一試!價錢係140円不連稅,大約係港幣$10,唔知道香港又會唔會有得賣呢?各位可樂粉絲記住唔好錯過啦!