相信大家細個時一定有睇過童話故事,或者睇圖案可愛到爆嘅公仔書,可以話係同恐怖故事絕緣咁滯。小朋友又點會鍾意睇恐怖故事呢?不過最近有日本網民就upload左呢本情節激似進擊的巨人嘅「公仔書」,睇完應該會俾佢嚇死……到底呢本書有幾似?我地就一齊黎睇下啦!

 

【童年陰影-日本兒童故事恐怖到好似進擊的巨人咁?】

圖片來源:twitter

故事係講細細粒個男仔願意幫主角食左啲討厭嘅食物,對於小朋友黎講可以話係一大喜事,因為唔駛食自己最討厭嘅食物嘛。男主角都覺得唔錯,所以就餵佢食哂自己討厭嘅食物。點知佢竟然愈食愈多,仲食埋主角其他食物,愈食就愈大隻,食到停唔到口。之後竟然變大,仲大過主角幾倍!黎到呢個情節你覺得好恐怖?都未到戲肉!

 

【童年陰影-日本兒童故事恐怖到好似進擊的巨人咁?】

圖片來源:twitter

好戲在後頭!主角討厭對方,點知俾對方食左!呢幕簡直就同進擊的巨人無分別,唔怪得知咁多日本網民一見到呢幕都紛紛驚叫……媽媽仲以為眼前呢個男仔係自己個仔,點解個故事可以咁恐怖?明明就係俾小朋友睇嘅故事,點解會變左進擊的巨人架?媽,我好亂啊!小編相信日本小朋友睇左呢本故事書都會俾佢嚇親……