日本文具款式多到花多眼亂,花款天天新出,特別係MT,小編真係抵抗唔到!無論你鍾意pattern丶花花圖案丶動物圖案,總有一款紙膠帶你會鍾意!啲花款真係多到小編都認唔清啊!今次小編就介紹3款春天新推出嘅MT,睇下你又會鍾意邊款?

 

【日本潮聖-3款MT控朋友必買日本特別MT!】

圖片來源:mai-bun.com/

率先介紹嘅就係呢款由bande推出嘅櫻花紙膠帶!可能你以前都會見過櫻花圖案嘅MT,不過今次小編介紹嘅款式係同過往嘅MT好唔同,皆因今次呢款新MT係可以逐塊逐塊撕落黎,可以用花瓣砌成櫻花圖案,當然可以自由發揮啦!如此特別嘅MT你又點可以唔買呢?

 

接著落黎介紹呢款特別紙膠帶可能會令你諗起學生時代,皆因呢款MT係模仿黑皮嘅敵果,加埋附送嘅白色筆,寫落去嘅效果就真係好似喺黑板到寫一樣。除左黑色,同樣推出左墨綠色款式,小編仲記得小學時代嘅黑板係墨綠色添。呢款MT可以話係向青春時代致敬啊!

 

【日本潮聖-3款MT控朋友必買日本特別MT!】

圖片來源:icconico.ocnk.net/ twitter

最後介紹呢款用黎寫schedule必備嘅紙膠帶,由icco nico推出。一拉開卷MT,就會睇到一行數字,只要貼喺白色紙上面,就可以喺數字旁邊寫低schedule,連schedule book都唔駛買。仲有另一卷MT有埋星期日數,咁就唔怕寫錯日子啦。一卷MT可以用4年半,絕對唔駛怕好快會用哂。身為MT迷嘅你又點可以錯過呢?