日本便利店多美食就人人都知,無論係關東煮丶串燒丶三文治,咩野都係超級好食!加上成日都出新款,叫人地點樣唔食喎?就好似呢款推出左無耐嘅布甸蒸飽咁樣,淨係見到個樣咁可愛就已經忍唔住啦!加上賣點係飽入面真係有原個布丁!咁得意?

 

【日本潮聖-便利店最新推出真係有布甸嘅布甸蒸飽!】

圖片來源:gigazine.net/

今次介紹嘅布甸蒸飽要去MINI STOP到買,有別於平時大家都會聽到嘅Family Mart或者LAWSON,想食就要預先搵定分店地址啊。布甸蒸飽嘅外型已經夠哂似布甸,令小編聯想起布甸狗添。搣開個飽,就會見到入面有一個完整布甸,絕對唔係用化學野整布甸味餡料。就連個飽本身都有加入椰子粉同埋焦糖,真係夠哂突破。價錢係108円,大約係港幣$7.5。去日本嘅你記住去MINI STOP到買返個試下啊!