最近日本陸陸續續落大雪,雖然香港冇落雪,但係一諗起要清理積如山嘅啲雪就頭都大埋。對於日本人黎講,除左煩惱點樣處理啲雪,竟然係呢個時候仲會發揮創意,絞盡腦汁,大玩百變雪雕!就好似上圖嘅無臉男咁,就係今年嘅日本民間雪雕高手作品!

 

【百變雪雕-2017日本民間雪雕高手大集合!】

圖片來源:twitter

嘩,好大舊飯糰啊!咪住!其實呢啲唔係飯糰,而係由日本民間雪雕高手整嘅「飯糰」!點解連用雪都可以整得咁似?呢啲咪就係高手囉!不過如果真係有咁大舊飯糰就好啦,食一舊可以當一餐!

 

【百變雪雕-2017日本民間雪雕高手大集合!】

圖片來源:twitter

嘩,好大隻Baymax啊!唔通呢到係迪士尼?唔係,其實呢隻咁得意嘅Baymax其實都係今年日本民間雪雕高手嘅作品,真係好攬住佢啊!不過一攬就會散,都係眼看手勿動好啲啦!

 

【百變雪雕-2017日本民間雪雕高手大集合!】

圖片來源:twitter

呢隻咁可愛嘅熊熊做咩咁孤獨企喺到?不如等姐姐帶你返屋企啦。嘩!咁凍嘅?原來你都係雪雕黎架!睇到你個呆呆滯滯嘅得意樣就好想帶你返屋企,可惜你只適合冰天雪地……

 

【百變雪雕-2017日本民間雪雕高手大集合!】

圖片來源:twitter

呢位哥哥仔……啊,唔係。呢位天使先生你做咩瞓喺地下?你應該喺天上面先岩啊。咩事要你下落凡間?睇真啲,原來佢係「雪天使」,又係日本民間雪雕高手嘅傑作!究竟點解日本人可以玩雪玩到咁出神入化?可惜呢啲機會唔屬於小編,因為香港都唔落雪!邊有機會練習喎?