去日本旅行又點少得買手信俾老友?不過大家係咪已經食厭左Tokyo Banana?其實日本各個地區都有推出地區限定嘅零食,今次就為大家介紹唔同地區限定嘅巨大版Pocky,比起一般普通Pocky嘅size大1.5倍!快啲睇下有咩味道揀啦!

 

【日本朝聖 - 日本地區限定巨大版Pocky精選!】

圖片來源:fashion-press.net/

首先介紹嘅就係北海道地區限定嘅夕張密瓜口味Pocky,甜甜嘅香味加埋濃郁嘅果汁味道,簡直就係人間美食!相信未打開包裝就已經俾朋友搶哂啦!價錢為800円未連稅,大約港幣$53,一啲都唔貴啊。

 

【日本朝聖 - 日本地區限定巨大版Pocky精選!】

圖片來源:fashion-press.net/

呢款係信州地區限定嘅巨蜂提子味道Pocky,巨蜂提子可以話係當地最引以為榮嘅特產,酸酸甜甜。呢款Pocky採用左濃郁提子味道果汁,相信打開盒就已經會聞到陣陣香氣。售賣地區只限長野縣,價錢同樣係800円未連稅,大約港幣$53。

 

【日本朝聖 - 日本地區限定巨大版Pocky精選!】

圖片來源:fashion-press.net/

相信大家對抹茶都唔會覺得陌生,呢款抹茶味Pocky一定會有唔少人愛上佢。採用「碾茶」(抹茶原材料),提升味道層次,帶黎濃濃抹茶香味,當然味道都唔會輸蝕。

售賣地區只限大阪府丶京都府丶兵庫縣丶滋賀縣丶奈良縣同和歌山縣,價錢都係800円未連稅,大約港幣$53。大家下次黎日本記住搵佢地啦!