仲記唔記得之前小編同大家分享左東京喰種同埋銀魂嘅真人版電影消息?今次就輪到JoJo的奇妙冒險啦!相信各位呢部作品嘅粉絲都等左好耐,係咪好想知道會有邊位明星出演呢?事不宜遲,即刻睇下有邊個啦!

 

【潮講電影-JoJo的奇妙冒險真人版電影隆重登場!】

圖片來源:fashion-press.net/

暫時官方只係公佈左三個角色嘅造型照,唯有睇住先止下癮啦!山崎賢人會飾演東方仗助(最左邊),不論係髮型同服裝都同漫畫角色十分相似,就連山崎賢人都話一換上呢個造型,感覺就好似自己係東方仗助一樣,唔知道佢嘅演出大家又滿唔滿意呢?而神木隆之介就會飾演廣瀬康一(中間),電影入面係東方仗助嘅同一個年級同學,對另女女角色甚有好意,今次梗加係神木隆之介首次飾演露額嘅爽快青年角色。最後就係由小松菜奈飾演山岸由花子(最右邊),以波浪長髮為特徵,成績優異,而且善於烹調吉列美食同埋縫製衣服。除左呢三個角色,官方表示仲有山田孝之丶岡田將生丶真劍佑同埋伊勢谷友介等等演員參演,陣容鼎盛。日本暫定今年8月4日上映,唔知道香港又會幾時上映呢?

 

官方網頁:https://warnerbros.co.jp/movie/jojo/