科技愈黎愈發達,點諗都唔會諗到原來雨傘都可以智能。呢把韓國製造嘅智能雨傘叫JOANS,外型睇黎好似冇咩特別,其實功能十分神奇,並非一般雨傘咁簡單。想知道佢有幾勁?一齊黎睇下啦!

 

【潮講科技 - 話你知今日天氣如何嘅智能雨傘?】

圖片來源:vimeo.com/

呢把智能雨傘具藍芽功能,可以同你嘅智能手機連接。帶住佢出街嘅你只需要喺地面篤兩下,柄上就會顯示唔同顏色嘅燈,綠色代表晴天,紅色代表雨天,夠哂方便。更特別嘅就係由於佢同你部手機連接左藍芽,所以你唔怕搵佢唔到,就算出街漏低左或者俾人不問自取,都一定會搵得返佢。相反,如果你唔見左電話,只要拎住把雨傘輕輕搖兩搖,電話就會發出聲響。不過記住要幫佢入4粒筆芯電,如果唔係就會用唔到智能功能啦。

 

【潮講科技 - 話你知今日天氣如何嘅智能雨傘?】

圖片來源:jonas.jp/

咁叻仔嘅智能雨傘共有7款顏色,造型係模仿英國紳士嘅鬍鬚仔,夠哂玩味。價錢為10,788円,大約係港幣$745。智能雨傘咁有型,拎出街一定引黎唔少目光,快啲帶埋佢出街啦!