過左個聖誕,各位男友可能開始苦惱緊情人節送咩俾女友先至夠驚喜?之前已經買左Ladurée嘅花瓣造型胭脂俾女友,氹得女友鬼咁開心。到底今年送咩俾佢先夠驚喜?咁你就一定唔可以錯過Lancôme即將推出嘅玫瑰造型蜜粉,保證女友一定鍾意!呢款咁特別嘅蜜粉係限量出品,售價係8,500円未連稅,大約係港幣$587,唔算太貴。淨係見到咁逼真嘅玫瑰已經心心眼啦!比起先前Ladurée嘅花瓣造型胭脂更加特別,女友見到都唔捨得用啊。

 

【女友實like - Lancôme 2017最新推出玫瑰造型胭脂!】

圖片來源:fashion-press.net/

想買多幾款化妝品俾女友化靚妝?今個系列仲推出埋呢款眼影加唇色套裝,6款眼影顏色加埋3款唇色,仲會附送埋個掃,售價係8,000円未連稅,大約係港幣$552,想女友次次同你出街化新妝就唔少得佢啦。

 

【女友實like - Lancôme 2017最新推出玫瑰造型胭脂!】

圖片來源:fashion-press.net/

如果覺得剛才介紹嘅唇色唔係好適合女友,不如考意下呢幾款顏色選擇多嘅唇筆?一枝筆有兩款顏色,適合唔同風格嘅妝容。順滑嘅質感又容易上色,化妝必備。無論女友鍾意成熟定可愛風,總有一款顏色適合佢嘅。除左剛才介紹嘅產品,其實今個系列仲有其他款式。如果你都想買呢啲俾女友做情人節禮物,記住要2017年1月2日去Lancôme到買啦!今個情人節可唔可以製造到驚喜俾女友就靠哂佢地啦!