雖然大家每日上網都會見到有唔少新美食介紹,例如現時最熱門嘅紫薯同埋芝士,彷彿無處不在。其實美食又點止市面店舖?ig shop都有唔少臥虎藏龍!可能大家都會成日幫襯ig shop,不過唔知道大家又認識幾多售賣自家製食物嘅ig shop?今次小編揀選左4間人氣自家製食物ig shop,品質有保證!

 

首先為大家介紹嘅就係卡比唔識瘦,由幾位店主經營,主打新潮砵仔糕同埋牛軋糖,近日亦推出左唔同類型嘅一口小食,例如芝士波波丶薰衣草/伯爵茶豆豆同埋抹茶紅豆低糖蛋糕,全部都係自家製,絕對不假手於人。咩係新潮砵仔糕?店主推出八款口味,當然唔少得傳統嘅白糖紅豆同埋黃糖紅豆,而小編最鍾意嘅就係抹茶紅豆丶桂花同埋紫薯。而且每粒砵仔糕係一口size,夠哂得意。牛軋糖就有朱古力丶華田同埋抹茶味,絕對有唔少捧場客。價錢絕對合理,而且交收時間甚多,店主又nice,真係搵唔到理由唔幫襯!如果你都想支持佢地,記住search @kabeisau。

 

呢間ig shop係poohpoohdesert,主打自家製千層蛋糕。當中最特別嘅就係可以一次過試4款口味嘅一開四四合一精選,仲有迷你版千層蛋糕,一樣可以一次過試四款口味。小店提供53款千層蛋糕口味,包括霧島牛奶雪山丶小倉紅豆丶夢幻紫薯等等獨特口味。仲有其他特別千層蛋糕,例如蛋糕夾心千層蛋糕丶乳酪流心千層蛋糕丶瀑布流心千層蛋糕丶意式奶凍panna cotta夾心千層蛋糕同埋芝士蛋糕千層,真係花多眼亂啊!面交時間選擇多,店主有禮貌,想食千層蛋糕記住幫襯poohpoohdesert啦!仲唔快啲 search @poohpoohdesert?

 

想食流心芝士撻?唔一定要去旺角或者銅鑼灣到買嘅,ig shop一樣有選擇!仲要係自家製添!呢間ig shop係kimoji.cooking,主打各款口味嘅流心芝士撻,口味包括三重朱古力丶抹茶白朱古力丶牛奶白朱古力同埋薄荷朱古力,一眾朱古力迷一定會立即愛上。除左芝士流心撻之外,小店仲有賣自家製黃金牛油曲奇,有興趣可以試下。各款小食價錢合理,面交地方又多選擇。下次想食流心芝士撻就記住上ig search @kimoji.cooking!

 

最後介紹嘅就係caca_handmade,單係聽個名已經知道呢間ig shop嘅食物都係自家製。caca_handmade主打各款曲奇,小編最鍾意嘅就係所有度身訂造嘅圖案曲奇,每塊曲奇都係人手畫,而非機器可以代替。店主會根據客人唔同要求繪畫唔同圖案,無論係用黎喺派對丶做散水餅抑或婚宴,店主一樣會花心思為客人設計。就連特別節日都一樣可以大派上場,黎緊就係新年,店主推出左各款喜慶圖案,相信收到曲奇嘅人都會有驚喜!想訂曲奇?快啲search @caca_handmade啦!