Marvel下一套電影要等到下年五月先有得睇,好似筆者禁嘅Marvel迷當然要打下機過日辰啦。喺筆者睇完Guardians of the Galaxy Vol.1之後,就開始玩同留意Marvel 喺手提遊戲方面嘅發展,發現原來有三大不可錯過嘅Marvel 手提遊戲!

【遊戲速報—三大Marvel漫威手機遊戲你要知!】

【遊戲速報—三大Marvel漫威手機遊戲你要知!】

﹙圖片來自YouTube﹚

第三位:MARVEL Contest of Champions

MARVEL Contest of Champions已經上架大約兩年,係一個具備大量動作元素同寫實嘅超級英雄格鬥遊戲。由Kabam研發,玩家可以喺大量漫畫經典場面進行格鬥。遊戲類似街霸般一對一打鬥,亦設有兩個遊玩模式,分別係故事情節同玩家競技場。故事情節中玩家會同漫威經其壞蛋對打。競技場比賽就係玩家向朋友挑戰,目標以自己嘅陣容擊敗對方防守陣容。MARVEL Contest of Champions目前喺iOS同Android 都已上架,啱曬鍾意格鬥遊戲嘅你!

【遊戲速報—三大Marvel漫威手機遊戲你要知!】

【遊戲速報—三大Marvel漫威手機遊戲你要知!】

﹙圖片來自PC Gaming﹚

第二位:Spider-Man Unlimited

早兩年就有一陣Temple Run熱,對筆者嚟講跑跑跳跳當然好考反應,有一定刺激感。但始終可用角色少,無故事好難維持到新鮮感。Gameloft就正正專注依點,推出有多角供選擇同有豐富故事背景嘅Spider-Man Unlimited!某日有多個平行宇宙喺紐約重疊,令各平行宇宙嘅壞蛋同時喺紐約出現!要對付佢哋,玩家要操作各個唔同版本嘅蜘蛛俠同佢哋抗衡!

【遊戲速報—三大Marvel漫威手機遊戲你要知!】

【遊戲速報—三大Marvel漫威手機遊戲你要知!】

﹙圖片來自YouTube﹚

第一位:Marvel Future Fight

Marvel Future Fight 可能係依個世界最好玩嘅Marvel手機遊戲。由Netmarble Games由2015設計並推行,RPG Marvel Future Fight共有多個角色,各個角色重有自己嘅制服,運最新嘅Doctor Strange都有電影制服!故事背景方面同Spider-Man Unlimited不謀而合,都係有多個平行時空重疊導致時空混亂。最新奇係有唔少忠角化身奸角,要同哋對打先可以收服佢哋。IOS同Android 都已經上咗架,連Luke Cage、Thanos等未正式搬上大銀幕嘅都有。想集齊禁多個Marvel角色就要玩下Marvel Future Fight啦!

【遊戲速報—三大Marvel漫威手機遊戲你要知!】

【遊戲速報—三大Marvel漫威手機遊戲你要知!】

﹙圖片來自YouTube﹚