上年屍殺列車就大受香港觀眾歡迎~唔單只票房收得,更成為當時最hit嘅話題!去到2017,韓國方面就無咩喪屍大片消息啦,但遠在英國,就有一套被譽為「下一部28 Days Later」嘅喪屍大片—The Girl With All The Gifts即將上映!電影由同名小說改編而成,故事就有幾分經典喪屍遊戲The Last of Us色彩,講述喪屍橫行,而有一眾小朋友不受喪屍病毒影響,故被軍方捉嚟做實驗。而故事更會發展到軍事基地被喪屍攻破,主角同倖存者一同走難。當你以為故事同其他喪屍片相差唔多嘅時候,你就會發現The Girl With All The Gifts最吸引人注目嘅係其血腥暴力場面、快節奏!The Girl With All The Gifts更受一眾影評家歡迎同大讚,2月上映時就唔好錯過啦!