昔日NBA助攻王Rajon Rondo同新東家公牛又鬧不和!Rondo連今日對戰黃蜂連場都無出,睇嚟同總教練Fred Hoiberg之間越嚟越唔妥。據報Rondo更加已經同公牛高層講明如果繼續「冷藏」自己就會主動要求交易添!

 【Rondo公牛緣盡?昔日助攻王潛在下家竟然係...?】

【Rondo公牛緣盡?昔日助攻王潛在下家竟然係…?】﹙圖片來自YouTube﹚

 

其實Rondo同球隊管理層不和都唔係咩新鮮事~早喺前年Rondo效力小牛就同教練不和,繼而喺季後賽被球隊雪藏。同小牛不和分手後去到帝王夥拍「表弟」DeMarcus Cousins前半季都風平浪靜,仲打出相當好成績,場均有11.9分11.7助攻6籃板,助攻更係打平自己喺2011-12年做出嘅巔峰場均11.7助攻。誰不知一完季Rondo又傳同帝王管理層不和,出走Kings並簽約公牛。
【Rondo公牛緣盡?昔日助攻王潛在下家竟然係...?】﹙圖片來自YouTube﹚

【Rondo公牛緣盡?昔日助攻王潛在下家竟然係…?】﹙圖片來自SportNews﹚

如果喺Fred Hoiberg眼中,Rondo的確同公牛緣盡,噤Rondo生涯下一站又會喺邊到?答案好可能係太陽。太陽想要球星就係人都知啦,前年就追唔到LaMarcus Aldridge,上年又搶唔到Kevin Durant,自然好想Rondo嚟打翻半季同做說客試下吸引聯盟其他巨星喺嚟緊暑假打盟。加上就算Rondo同太陽唔夾,太陽大可以喺暑假透過Wavie清走佢,對太陽都無太大傷害。
【Rondo公牛緣盡?昔日助攻王潛在下家竟然係...?】﹙圖片來自YouTube﹚

【Rondo公牛緣盡?昔日助攻王潛在下家竟然係…?】﹙圖片來自YouTube﹚

你又覺得Rondo下一站應該去邊呢?