鷹隊想送走Paul Millsap都已經唔係咩新鮮事,最值得關心嘅係Paul下半季會著上邊隊球隊波衫!其實早喺上年暑假就早已爆出一系列有關Paul嘅交易傳聞。可惜鷹隊一直獅子開大口,連金塊曾經傳出有關Kenneth Faried、Malik Beasley、Will Barton嘅條件都拒絕,如果唔係今時今日同Howard組成雙塔嘅可能係「跳跳虎」Kenneth Faried。

【Paul Millsap交易傳聞繼續升溫!Paul下家會係...?】(圖片來自AMP)

【Paul Millsap交易傳聞繼續升溫!Paul下家會係…?】(圖片來自AMP)

噤時至今日,Paul Millsap下家又有機會係邊隊?最正路係雷霆同暴龍。同Raptors 交易Paul嘅傳聞其實早自上年暑假就已經傳出,可惜因為鷹隊球星Al Horford出走波士頓,鷹隊唯有留底Paul夥拍Howard。但事實證明Howard x Paul組成嘅兩塔連線無預期中巨大,鷹隊被逼再為Paul再作打算,噤之前傾落嘅Raptors自然好有機會成為Paul下個東家。

【Paul Millsap交易傳聞繼續升溫!Paul下家會係...?】(圖片來自AMP)

【Paul Millsap交易傳聞繼續升溫!Paul下家會係…?】(圖片來自AMP)

雷霆呢?西書(Russell Westbrook)需要一個好助手拉開空間唔係今日嘅新聞。Paul Millsap唔單只可以喺禁區作出貢獻,更可以拉出三分線拉出更大空間比西書。聽落好似好美好係咪?但問題嚟啦,雷霆可以出到嘅球隊只有Enes Kanter、Kyle Singler同A.Roberson換Paul Milsap同Kyle Korver,鷹隊又肯唔肯呢?

【Paul Millsap交易傳聞繼續升溫!Paul下家會係...?】(圖片來自AMP)

【Paul Millsap交易傳聞繼續升溫!Paul下家會係…?】(圖片來自SB Nation)