Big News!公牛依兩三個星期雖然打得唔錯,但喺Rondo打唔出預期水準情況下,公牛竟然打算放走陣中大將Jimmy Butler?!另一方面,鷹隊射手Kyle Kover將被送至騎士,詳細交易細節尚未公布。

【Kyle Korver被交易至騎士 曝公牛啱價就放走當家球星Jimmy Butler?!】(圖片來自TouTube)

【Kyle Korver被交易至騎士 曝公牛啱價就放走當家球星Jimmy Butler?!】(圖片來自AMP

踏入2017,交易傳聞就滿天飛!先係鷹隊球星Paul Millsap,再到昔日助攻王Rondo,以為傳聞已經夠曬痴線啦~點知到今日就突發爆出公牛竟然想將球隊一當家Jimmy Butler送走!話說早喺上年暑假,公牛就已經同灰狼同塞爾特人傾過交易Jimmy Butler,但談判唔成又唔想過多年白白無咗Jimmy就同佢簽咗5年九千五百萬合同。簽完大約看似Jimmy會坐隱公牛一哥位置啦,點知資深NBA記者Ric Bucher就爆出原來儘管Jimmy近兩三個月打出全明星表現,公牛對圍繞Jimmy Butler重建球隊無太大信心,所以好有可能將Jimmy同Rondo一次過送走。當然!要啱價,公牛先會送出全明星等級嘅Jimmy啦。要啱價又要有能力做重建核心又有機會離隊嘅,唔通係Paul George…?

【Kyle Korver被交易至騎士 曝公牛啱價就放走當家球星Jimmy Butler?!】(圖片來自TouTube)

【Kyle Korver被交易至騎士 曝公牛啱價就放走當家球星Jimmy Butler?!】(圖片來自YouTube)

另外,根據雅虎記者Andrian Wojnarowski喺推特,鷹隊射手Kyle Korver將被交易至騎士。確實交易內容就尚未公布,但都可以預計騎士引入Kyle Korver主要睇中其三分射手本色,用以暫時頂替受傷嘅J.R. Smith。Kyle Korver將於本夏成自由球員,本季三分命中率為40.9%。