各位貓奴注意!日本又推出左你地最鍾意嘅產品啦!就咁睇張相,得個可愛貓頭係咪估唔係咩黎呢?其實呢個係日本新推出嘅得意貓貓舌頭臉油紙!臉油紙?用佢條金舌頭黎吸臉油?無錯!可愛得黎又夠實用,帶埋佢出街一定引死其他貓奴。

 

用法簡單,由貓貓頭個口到拎張臉油紙出黎,好似對住自己伸脷咁。最特別嘅係連張臉油紙都係舌頭形狀,夠哂心思。呢款貓貓舌頭臉油紙總共有6款,總有一款會似你鍾意嘅貓咪。價錢係650円未連稅,大約係港幣$45,唔算太貴。不過小編買左都會唔捨得用啊。