注射流感疫苗一年一次對大家嚟講已經係每一年既例行公事,

不過有個好消息話比大家知,就係美國研究人員研發出最新疫苗技術,

以後可能唔需要咁麻煩每年去打一次疫苗啦!

根據NewAtlas既報導,美國康奈爾大學研究人員最近開發左一種新既疫苗,

唔單止反應速度更快、持續時間更長,仲可以對應打擊多種菌株,

未來接種疫苗既次數可能由每年一次減少到每 10 年一次。

以往世界衛生組織每年都會發表本季最有可能出現既流感病毒清單,

製藥公司會針對呢份名單開發最需要既疫苗。

但大家都知唔係每件事都照著預期發展架啦,

好多開發左既流感疫苗係個個年度毫無用途。

新研究既合著作者 David Putnam 表示,

流行病學家會監測東南亞地區流行既流感病毒,並從中挑選幾種,

預測流行既病毒株將會係點,但因為病毒蛋白質會突變,所以預測偶爾都會出錯。

研究團隊係實驗鼠身上進行疫苗測試,測試中發現老鼠體內既抗體數量係 4 個禮拜內上升,

大約係對照組花費時間既一半。

為左測試疫苗提供既保護時間,團隊係接種 6 個月後幫老鼠注射達致死劑量既甲型流感,

結果全數實驗鼠都成功存活。

6 個月大約係一般老鼠壽命既四分之一,研究人員認為,

當在人類身上使用既時候,呢種疫苗可以避免人類每年接種流感疫苗既必要。

呢款疫苗預計 2017 年冬季將會係英國開始人體實驗。

Putnam 表示,目前實驗嚟睇,呢款疫苗能夠持續非常長既時間。

對抵抗力較低既老友記同小朋友嚟講,常見既流感病毒可以好致命,

如果真係有一種打擊多種病毒株既疫苗,將會非常有幫助。