大家仲記唔記得之前小編介紹嘅日本地區限定巨大版Pocky呢?繼之前推出嘅夕張蜜瓜味丶巨蜂提子味同埋抹茶味,今次就推出左上圖三款新口味!想知道今次又有啲咩新搞作?快啲繼續睇落去啦!

 

【日本潮聖-日本地區限定巨大版Pocky又出新口味!】

圖片來源:cp.pocky.jp/

首先打頭陣嘅就係福岡博多嘅「あまおう」草莓,即係港人最鍾意嘅甘王草莓,大大粒又甜又多汁,有誰不愛?相信呢款百力滋會有甜甜嘅草莓味,陣陣香氣,真係未食已經先聞到佢嘅香氣啊!售賣地區只限福岡縣丶佐賀縣丶長崎縣丶熊本縣丶大分縣丶宮崎縣丶鹿兒島縣同埋沖繩縣。

 

【日本潮聖-日本地區限定巨大版Pocky又出新口味!】

圖片來源:cp.pocky.jp/

接落黎介紹嘅就係甜薯口味,材料十分講究,指定採用石川縣出產嘅五郎島金時甘薯。呢款甜薯甜味十足,就算只係提取左8%但係都已經夠哂味道,不論係味覺同嗅覺同樣滿分!售賣地區只限石川縣丶富山縣同埋福井縣。

 

【日本潮聖-日本地區限定巨大版Pocky又出新口味!】

圖片來源:cp.pocky.jp/

最後一款新口味就係有「果樹園寶石」美譽嘅佐藤錦車厘子,係東北著名產物,所以東北地區限定口味就揀左佢!除左粒粒都飽滿之外,天然香氣同埋酸酸甜甜嘅味就成為佢嘅一大特色,夠哂吸引!售賣地區只限山形縣丶青森縣丶岩手縣丶宮城縣丶秋田縣同埋福島縣。下次黎日本旅行記住帶埋佢返屋企啦!