自從囍帖街重建成為利東街後,你去過未呢?未去過都唔緊要,今個聖誕有藉口去到此一遊啦!

灣仔「利東街」舉辦的胡桃夾子之飄雪聖誕,具節目氣氛。(被訪者提供)

(圖片來自Top!ck)

聖誕去尖少咀海旁睇燈飾睇到悶?今年終於有D新意思啦!本身就已經充滿歐陸風情既利東街,將會以聖誕傳統故事胡桃夾子為主題進行佈置,唔單上處處滿佈雪花星雨燈飾,林蔭步行街既中庭花園更會設立童話國聖誕城堡同埋有成10米高既聖誕樹,分明就係一個打卡自拍位黎既,大街屆時仲會有飄雪效果,今個聖誕就算要留係香港,都可以感受白色聖誕呀!

至於另一個聖誕傳統Christmas Carol都唔少得啦!主辦單位請黎灣仔區內既學校及教會團體例如香港鄧鏡波書院、聖母聖衣堂和聖雅各福群會‎等係夜晚唱聖詩同聖誕歌為大家報佳音。

灣仔「利東街」舉辦的胡桃夾子之飄雪聖誕,具節目氣氛。(被訪者提供)

(圖片來自Top!ck)

講起聖誕又點會唔諗起傳統經典芭蕾舞劇「胡桃夾子」?買唔起飛去文化中心睇香港芭蕾舞團既演出唔緊要,黎利東街一樣有得睇。主辦單位請黎香港著名芭蕾舞學校王仁曼芭蕾舞學校、集羽青少年兒童芭蕾舞團同埋一班資深的芭蕾舞蹈員為市民表演,胡桃夾子巨人仲會出場!美妙既舞姿連帶住飄雪效果,特別浪漫!

 

日期:12月17日至18日(星期六及日)及12月24至26日(星期六至一)

時間:聖誕經典芭蕾漫舞 – 下午2時45分至下午4時正

浪漫飄雪時刻 – 下午3時半及下午8時正