唔少朋友仔都會趁聖誕呢個浪漫假期去日本過白色聖誕,如果你都會去,咁你一定要試下呢款勁似關東煮嘅聖誕蛋糕啦!紐約著名麵包甜點店DOMINIQUE ANSEL BAKERY登陸東京,個個聽到佢嘅鼎鼎大名都會特意前往朝聖。點都估唔到今個聖誕竟然推出左呢款咁具日本特色嘅聖誕蛋糕!

 

【日本朝聖 - 酷似關東煮嘅聖誕蛋糕?】

圖片來源:instagram

到底呢款咁可愛嘅蛋糕係咩味道?最高「魚餅」係軟滑嘅芝士蛋糕,而中間嘅「雞蛋」係焦糖柚子奶凍,最低嘅「獅子狗魚蛋」就係栗子奶凍,真係估佢唔到。呢款同真正關東煮咁似樣嘅聖誕蛋糕分兩個size,大嘅售價係3,800円(大約港幣$263),而細嘅售價係550円(大約港幣$38),售賣期間只限今年12月1日至12月25日,想試下就要快手!其實細細份都幾可愛,唔講仲以為佢係食物模型。相信今個聖誕又會有唔少人為佢瘋狂啦!