各位扮靚絲打仲記唔記得Paul & Joe喺4月時推出過瘋摩一時嘅貓頭果漾唇膏?相信大家上次已經俾造型如此特別嘅唇膏俘虜左。食住呢個勢,Paul & Joe喺明年1月5日會推出全新限定貓貓化妝品,重頭戲當然就係立體可愛貓貓頭唇膏,下個春天扮靚就靠哂佢!一齊黎睇下仲有邊啲貓貓主題化妝品!

 

【貓奴注意 - Paul & Joe最新推出可愛貓型唇膏!】

圖片來源:fashion-press.net/

既然推出全新系列,當然就唔止唇膏咁少!要化個靚妝,試問又點少得胭脂同眼影?今次就推出左上圖3款顏色,就連胭脂同眼影都可以配合貓貓主題,就連個化妝掃都夠哂可愛!官方售價為4000円未連稅,大約係港幣$298。小編一見到佢就心動啦!

 

【貓奴注意 - Paul & Joe最新推出可愛貓型唇膏!】

圖片來源:fashion-press.net/

出場啦!終於黎到重頭戲!立體可愛貓貓頭唇膏就係今個系列嘅焦點,除左包裝精圖案精美,仲有唇膏上有嘅立體可愛貓貓頭,比起上次嘅貓頭果漾唇膏更加特別。不過見到佢咁可愛,小編都唔捨得用佢!官方售價為3000円未連稅,大約係港幣$207。大家要記住!呢個係限定系列,數量有限,各位貓奴記住買啦!