元朗多美食就好多人知道,但係再走遠啲,其實屏山都有唔少隱世美食,亦有唔少人假日特登入黎屏山尋美食。除左聞名天下嘅華嫂,你又知唔知道仲有啲咩必食嘅隱世美食?咁你就要繼續睇落去啦!

 

【唔食唔得 - 元朗屏山5大必食隱世美食!】

先黎介紹聞名天下嘅華嫂,最出名嘅美食莫過於濃郁蕃茄湯底嘅豬扒同埋雞翼湯麵,當然仲有莞茜皮蛋湯底啦。如果唔想食咁多份量,可以選擇招牌菠蘿包,熱辣辣嘅菠蘿包夾住煎蛋同鮮甜肉茄,加埋厚切牛油,真係完美嘅配搭!不過筆者更加鍾意蛋沙律多士,微甜嘅蛋沙律丶火腿薄片丶鮮甜肉茄同埋新鮮生菜,感覺清新,一啲都唔肥膩!野飲方面,一定唔少得冰花奶茶,凍冰冰又唔會有冰溝淡茶味,擺幾耐都係咁濃味!如果你都想試華嫂美食嘅話,記住唔好星期日黎,因為呢到星期日會休息架。不過其他日子黎就要早啲排隊拎籌,由於客人眾多,大約12點就冇得再拎籌,會隨著人數多少決定截單,所以要早啲到啊。同埋有員工午飯時間會休息,2點先會再開始營業,晚上都唔會營業。你仲唔快啲黎?

 

店名:華嫂冰室

地址:元朗屏山坑頭村

電話號碼:2617 2232

營業時間:8:00 – 13:00,14:00 – 17:00

 

【唔食唔得 - 元朗屏山5大必食隱世美食!】

【唔食唔得 - 元朗屏山5大必食隱世美食!】

小町拉麵係最近先加入屏山隱世美食嘅新成員,店名「小町」好似講緊屏山咁,好似自立成市嘅小城鎮。聽到個店名都知道呢到主打拉麵,共有6款拉麵湯底,分別係醬油丶白味噌丶赤味噌丶蕃茄同鹽,全部都係豚骨魚介系,採用30公斤豬筒骨花12小時熬製,絕不欺場。除左拉麵,同場加映其他日式小食,例如花椒雞翼丶叉燒法包丶自家製煎餃子丶小町漢堡包等等,真係唔知食邊款好啦。

 

店名:小町拉麵

地址:屏山坑尾村85號地下

電話號碼:2316 2988

營業時間:星期三至星期日:12:00 – 14:00,17:00 – 20:00

 

【唔食唔得 - 元朗屏山5大必食隱世美食!】

【唔食唔得 - 元朗屏山5大必食隱世美食!】

小町拉麵嘅對面就係F1 Café!一睇就知道呢間café係以賽車為主題,大大架車做招牌,就連入面嘅櫈都係賽車車椅造型,夠哂型格!店主係著名設計師鄧達智嘅堂弟,係個超級跑車粉絲,唔怪得知會以賽車做café主題。食物方面,主打西式美食,例如肉扒丶意粉同薄餅等等,包你岩食!最特別嘅係野飲名都係用汽車名,例如法拉利,完全反映左店主到底有幾鍾意車!相信會吸引一眾賽車忠實粉絲黎呢到朝聖!不過要記住呢到星期三唔會營業架。

 

店名:F1 Café

地址:元朗屏山坑尾村 105 號

電話號碼:2662 2162

營業時間:星期一、二、四:11:00 – 17:00、星期五至日:11:00 – 15:30,17:00 – 21:30

 

【唔食唔得 - 元朗屏山5大必食隱世美食!】

Café 123食堂係著名設計師鄧達智經營嘅餐廳,午市主打茶記美食,晚市主打私房菜。餐廳以黃色為主調,夠哂搶眼,離遠企喺對面已經見到!午市嘅茶記美食夠哂特別,有黑松露炒蛋厚多士丶鹹牛肉芝士蛋菠蘿包丶紅豆鹹牛肉西多丶印尼咖哩雞翼米粉等等,私房菜都唔輸蝕,例如酒香神仙鴨,菜式絕對非一般貨色。不過要記住Café 123食堂喺星期日同公眾假期都會休息,想食就要識揀日子啦。

 

店名:Café 123食堂

地址:元朗屏山塘坊村 123 號

電話號碼:2662 2162

電話號碼:9195 4884(只可whatsapp聯絡和預訂)

營業時間:星期一至六:8:00 – 17:00

 

【唔食唔得 - 元朗屏山5大必食隱世美食!】

相信有唔少一直鍾情於屏山美食嘅朋友都會聽過屏山肉餅,既然要介紹屏山隱世美食又點可以唔介紹埋佢?搬左去新舖嘅屏山老地方距離舊舖唔算太遠,地方比以前大,座位更多,不過都滿足唔到一眾粉絲,所以依然成日黎到都要等位。肉餅款式多到數唔哂,除左每日唔同款式嘅肉餅套餐之外,仲有一系列固定肉餅款式。無論你想試傳統口味定係新潮口味,一樣滿足到你。數到筆者最愛嘅肉餅,當然係榴槤同芒果肉餅啦!重口味嘅榴槤同埋香甜芒果配埋即叫即製肉餅,真係完美嘅組合!未食過嘅朋友就一定要試下!由於每款肉餅都係即叫即整,所以記住預返時間啊。

 

店名:屏山老地方

地址:元朗屏山塘坊村32-33號地下

電話號碼:3480 0696

營業時間:8:00 – 21:00