2015年台灣粉塵爆炸導致多人受傷,唔少人因為燒傷而需要植皮重生,香港就有3名中四女生,眼見呢個情況,一心改良面膜成為人工皮敷料,希望當再發生類似意外個陣時呢種人皮敷料就可以拯救無數人嘅生命。呢樣新發明日前仲幫佢地奪得「羅氏少年科學家大獎」冠軍,真係實至名歸!

團隊成員之一黃安恩同學得獎後接受訪問時表示:「台灣粉塵爆炸案中,當時使用植皮方法產生不少問題,如會不夠皮及有排斥作用等。」佢仲話團隊成員早一嗰陣就因為暗瘡同皮膚唔好等問題,嘗試研發唔同功效的面膜,例如保濕、美白功效等,所以今次就照當初研究面膜製法作為藍本,用嚟研發新嘅治療皮膚方法同埋令皮膚加速復原。

呢塊「人工皮」成本剩係要16元,價格係坊間材料的6400分之1!她們以海藻酸鈉、黃原膠等物質研製全新嘅人工皮配方,更適合處理大面積燒傷,同埋唔會黏皮膚。