就黎又到閃死人嘅情人節,如果你到今日仲係單身狗,但係又想學人曬下恩愛,為左滿足下自己FF,不如跟呢位泰國毒男學返幾招。學咩?就係單身狗都可以一樣好似一般情侶咁樣影下恩愛相囉。就好似上圖咁,你係咪以為佢女友襯佢瞓覺就偷偷地畫花佢塊臉?你咁諗就錯啦,一齊黎睇下真相啦。

 

【單身狗必學-泰國毒男完美示範「戀愛自拍」!】

圖片來源:twitter

真相其實係呢位人兄好巧妙咁用隻腳夾住個電話自拍,而又好巧妙咁運用另一隻手畫花自己塊臉,所有角度都攞得好靚,又岩岩好,等你以為佢真係有個女友整蠱佢。係咪覺得佢好勁呢?邊個話單身狗唔可以曬「恩愛」?

 

【單身狗必學-泰國毒男完美示範「戀愛自拍」!】

圖片來源:twitter

佢就好啦,有女友餵佢食麵仲幫佢抹埋嘴,好羨慕啊。哈哈,朋友你實在太年輕了,呢一切其實都係泰國毒男嘅悉心安排,嗰隻疑似係女人嘅手都係佢自己隻手,等你以為真係有甜蜜女友幫佢抹嘴。

 

【單身狗必學-泰國毒男完美示範「戀愛自拍」!】

圖片來源:twitter

雖然佢都有影左手拖右手嘅恩愛相,不過呢招對大家黎講實在太簡單,今次就教埋大家呢招:背影!上圖睇黎就好似有個甜蜜女友影佢個背影咁,跟住佢後面行,但其實一切只係掩眼法,事實上係佢用隻腳夾住電話影背影,又一高招!各位單身狗今個情人節唔駛怕,一於好似呢位泰國毒男咁樣影相就會順利過關!小編喺到祝各位單身狗早日搵到另一半,到時就唔駛咁辛苦影呢啲相啦。