話說依個冬天熱得有點離譜,依個星期似秋天多過似冬天。咦~噤咪啱曬同屋企人或者朋友約埋一齊吹下風,食住野餐傾下計享受依個不太冷嘅冬天!但你又知唔知香港有邊啲必去野餐好去處呢?就等我哋潮Talk為你盤點三大必去香港野餐地點啦!

山頂公園
係唔係好面善呢?原來有唔少大台電視劇都有喺山頂公園取景架!上到山頂餐廳沿住柯士甸山道行,就會見到呢個野餐一流嘅好約處。依到唔單只有一片啱曬野餐嘅草地,仲有英式涼亭、大樹遮蔭,啱曬一家大細喺到野餐過翻個休閑嘅下午!

【這個冬天不太冷—盤點香港三大野餐必去熱門地點!】(圖片來自korgears4life)

【這個冬天不太冷—盤點香港三大野餐必去熱門地點!】(圖片來自korgears4life)

添馬公園
唔想上到山頂噤遠?噤不如去港鐵都到度嘅添馬公園啦!唔單只交通方便,只要搭地鐵到金鐘即可之外,添馬公園仲有野餐必備嘅大 草 地 !加上無敵大海景,想野餐嘅朋友點可以錯過添馬公園吖?!快啲嚟嘆翻個下午啦!

【這個冬天不太冷—盤點香港三大野餐必去熱門地點!】(圖片來自拖手仔去街Guide)

【這個冬天不太冷—盤點香港三大野餐必去熱門地點!】(圖片來自拖手仔去街Guide)

 

西九海濱長廊
添馬公園去得多無新意?噤不如過對面海西九海濱長廊啦!同樣有無敵大海景,睇晒成個維港對岸,西九海濱長廊仲要地方夠大,唔洗同人逼餐死~去西九海濱長廊都好簡單吖炸,喺港鐵九龍站行十五分鐘就到架啦!

【這個冬天不太冷—盤點香港三大野餐必去熱門地點!】(圖片來自So Hong Kong)

【這個冬天不太冷—盤點香港三大野餐必去熱門地點!】(圖片來自So Hong Kong)