繼上次同大家介紹左銀魂真人版電影之後,今年仲會有另一部漫畫改編成真人版電影,就係人氣高企嘅就係東京喰種!由2011年開始連載嘅東京喰種一直以黎都十分受歡迎,當然粉絲人數都唔少。2014年拍成動畫,2015年更搬上舞台,改編成舞台劇。今年夏季終於搬上大銀幕,相信一眾粉絲早已期待已久。

 

先介紹男女主角,今次會由窪田正孝同埋清水富美加擔大旗,官方暫時只係出左佢地造型嘅電影海報,雖然已經公佈左部份角色嘅選角名單,不過依然未公佈造型照。清水富美加為左飾演呢個角色,不惜剪左30厘米頭髮,真係好大犧牲啊!電影中嘅服裝同埋面具都係由曾經幫Lady Gaga做服裝嘅森川マサノリ設計,大家到時睇戲要好好欣賞服裝同埋面貝嘅設計啊。

 

【潮講電影-東京喰種真人版電影選角大集合!】

圖片來源:ciatr.jp/

除左男女主角,暫時官方只公佈左呢3位演員會參演電影,分別係飾演亜門鋼太郎嘅鈴木伸之丶飾演真戸呉緒嘅大泉洋同埋飾演神代利世(リゼ)嘅蒼井優。日本粉絲都好期待今次嘅組合會擦出咩新火花,特別係蒼井優,到底佢會有咩演技突破呢?如果想知道其他角色會有咩演員參演,咁就要緊貼留意官方消息啦!日本就暫定會今年夏季上映,唔知道香港又會唔會上映呢?